लाखोंचा अवैध मद्यसाठा जप्त

खेड । प्रतिनिधी । 

तालुक्यातील लोटे औद्योगिक वसाहती नजीक माळवाडी येथे राज्य उत्पादन शुल्क विभागाने केलेल्या कारवाईत एका घरातून लाखो रुपये किंमतीचा अवैध मद्यसाठा जप्त करण्यात आला आहे. या कारवाईमुळे विनापरवाना देशी विदेशी दारू विकणार्‍यांचे चांगलेच धाबे दणाणले आहेत.

राज्य उत्पादन शुल्क विभागाचे वाय.एम.पवार विभागीय उपआयुक्त कोल्हापुर व रत्नागिरी जिल्हयाचे जिल्हा प्रभारी अधिक्षक व्ही.व्ही.वैद्य यांच्या मार्गदर्शनाखाली दि.24 रोजी खेड तालुक्यातील लोटे औद्योगिक नजीकच्या माळवाडी येथे उत्पादन शुल्क विभागाच्या अधिकार्‍यांनी निहार हेमंत वारणकर यांच्या घरावर धाड टाकली. या कारवाईत एका बंदिस्त खोलीत लाखो रुपयांचा अवैध दारूसाठा आदळून आला.

या कारवाईत अवैद्य गोवा बनावटीच्या मद्य साठ्यात 180 मि.लि. व 750 मि.लि. च्या गोल्डन अंश ब्ल्यु फाईन व्हिस्कि, बॉम्बे रॉयल व्हिस्कि,मॅकडॉल नं.1 रिझर्व्ह व्हिस्कि असे एकुण 27 बॉक्समध्ये सुमारे 1 लाख 64 हजार 400 रुपये एवढया किमतीचा मुद्येमाल जप्त करण्यात आला. या प्रकरणी निहार हेमंत वारणकर रा.मु.पो.लोटे माळवाडी ता.खेड जि.रत्नागिरी  याच्या विरूध्द गुन्हा दाखल करण्यात आला आहे.गोवा बनावटीची दारू येथे आणून ती इथे विकणारा खरा सूत्रधार कोण याचा आता शोध घेतला जात आहे गोवा मद्य आयात करणारा मुख्य सुत्रधार कोण आहे? कारवाईमध्ये राज्य उत्पादन शुल्क खेड विभागाचे प्रभारी निरीक्षक शंकर जाधव तसेच निरीक्षक व्ही.व्ही.सकपाळ, सहायक दुययम निरीक्षक आर.बी.भालेकर, जवान ए. के.बर्वे यांनी भाग घेतला.सदर गुन्हयांचा पुढिल तपास दुय्यम निरीक्षक विशाल सकपाळ करीत आहेत.