रायगडात ९३.५६ टक्के मतदान; मतदारांचा प्रतिसाद

| अलिबाग | विशेष प्रतिनिधी |
कोकण शिक्षक मतदार संघाच्या निवडणुकीसाठी सोमवारी रायगडात उत्स्फूर्त प्रतिसाद लाभला. जिल्ह्यातील 27 मतदान केंद्रावर ही निवडणूक प्रक्रिया पार पडली.यासाठी एकूण 10,101 मतदार मतदानास पात्र होते. 4355 पुरुष तर 5746 महिला मतदारांचा समावेश होता. त्यामधून एकूण 9450 मतदारांनी मतदानाचा हक्क बजावला.जिल्ह्यात एकूण सरासरी 93.56 टक्के मतदान झाल्याचे निवडणूक यंत्रणेकडून सुचित करण्यात आले.

या निवडणुकीत शेकापचे बाळाराम पाटील,भाजपचे ज्ञानेश्‍वर म्हात्रे यांच्यासह अन्य आठजण रिंगणात आहेत.बाळाराम पाटील यांनी जिल्ह्यातील विविध मतदार केंद्राना भेट देऊन मतदारांशी संवाद साधला. रायगडात एकूण 93.56 टक्के मतदान झाले.यामध्ये 5307 महिला तर 4143 पुरुष असे एकूण 9450 मतदारांनी मतदानाचा हक्क बजावला.