‘घड्याळ’ वापरा, पण अट पाळा
Maharashtra, September 28 (ANI): Senior NCP leader Ajit Pawar addressing a press conference, in Mumbai on Friday. (ANI Photo)
अजित पवार गटाला ‘सर्वोच्च’ निर्देश
| नवी दिल्ली | प्रतिनिधी |
आगामी लोकसभा निवडणुकीपूर्वी राष्ट्रवादी काँग्रेसमधील शरद पवार गट आणि अजित पवार गटासाठी सर्वोच्च न्यायालयाने मंगळवारी (दि. 19) महत्त्वपूर्ण आदेश दिला. शरद पवार गटाला तुतारी चिन्ह कायम ठेवण्यात आले असून, हे चिन्ह अन्य कोणालाही दिले जाणार नाही. तसेच अजित पवार गट हा घड्याळ चिन्ह वापरु शकतात. मात्र, त्याखाली न्यायालयातील प्रलंबित आव्हानाच्या निकालाच्या अधीन असे लिहिणे बंधनकारक आहे, अशी अट घालण्यात आली आहे.
मंगळवारी सर्वोच्च न्यायालयात झालेल्या सुनावणीवेळी शरद पवार गटाने घड्याळ चिन्ह कोणालाही देऊ नये, अशी मागणी केली. यावर न्यायालयाने स्पष्ट केले की, याबाबतचा निर्णय केंद्रीय निवडणूक आयोगाने घेतला आहे. त्यामुळे आता आम्हाला यामध्ये हस्तक्षेप करता येणार नाही. मात्र, अजित पवार गटाने प्रचाराच्या सर्व जाहिरातींवर त्यांना दिलेले घड्याळ चिन्ह हे खरे राष्ट्रवादी याबाबत प्रलंबित आव्हान याचिकांच्या निकालाच्या अधीन आहे, असे लिहिणे बंधनकारक असल्याचे आदेश न्यायालयाने दिले आहे. त्यामुळे आता अजित पवार गट लोकसभा निवडणुकीसाठी घड्याळ हे चिन्ह वापरु शकतो. मात्र, त्याच्या खाली न्यायालयातील प्रलंबित आव्हानाच्या निकालाच्या अधीन, असे लिहिणे बंधनकारक असणार असा अंतरिम आदेश न्यायालयाने दिला आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.