कारने चार वर्षीय बालकाला चिरडले
| नाशिक | प्रतिनिधी |
शहरातील हॉटेल एक्स्प्रेस इनच्या आवारात कारखाली सापडून चार वर्षाच्या बालकाचा मृत्यू झाला. मुंबई-आग्रा महामार्गावरील एक्स्प्रेस इन हॉटेलच्या आवारात बुधवारी (दि.5) सायंकाळी ही घटना घडली आहे. ध्रुव राजपूत असे बालकाचे नाव आहे. याबाबत त्याचे वडील अजित राजपूत (37), उपेंद्रनगर यांनी तक्रार दिली आहे. या प्रकरणी संशयित वाहन चालकाविरुद्ध इंदिरानगर पोलीस ठाण्यात गुन्हा दाखल करण्यात आला आहे.
बालकाचे वडील हे ओला, उबर कंपनीत नोंदणी करून मोटार चालवितात. बुधवारी सायंकाळी ते ग्राहकाला सोडण्यासाठी मुलगा ध्रुव आणि मुलगी हर्षदा या दोघांना बरोबर घेऊन हॉटेल एक्स्प्रेस इनमध्ये गेले होते. ग्राहकाला हॉटेलमध्ये सोडत असताना त्यांची दोन्ही मुले आवारात खेळत होती. त्याचवेळी हॉटेलच्या प्रवेशद्वारातून वेगाने आतमध्ये आलेल्या कारखाली ध्रुव सापडला. त्याच्या अंगावरून चाक गेले. त्याला तातडीने रुग्णालयात नेण्यात आले. परंतु, तत्पूर्वीच त्याचा मृत्यू झाल्याचे डॉक्टरांनी घोषित केले. या प्रकरणी संशयित चालकाविरोधात इंदिरानगर पोलीस ठाण्यात गुन्हा दाखल करण्यात आला आहे. या घटनेचा पोलीस पुढील तपास करीत आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.