कणकवलीत राजकीय तापमान गाठणार उच्चांक

सहकार क्षेत्रातील निवार्चनाची लगबग सुरू
मतदार याद्यांचा प्रारूप आराखडा निश्‍चित
दिवाळी पर्वात आश्‍वासनांची आतिषबाजी
रत्नागिरी । वृत्तसंस्था ।
राज्यात स्थानिक स्वराज्य संस्था आणि सहकार क्षेत्राच्या निवडणुकांचे वारे वाहत आहेत. याच पार्श्‍वभूमीवर कणवली तालुक्यात राजकीय तापमान उच्चांक गाठण्याचे संभाव्य चित्र निर्माण झाले आहे. कारण, तालुक्यातील शेती विकास संस्था, औद्योगिक संस्था, पतसंस्था, पाणीवापर संस्था, मजूर संस्था व अन्य ब, क आणि ड वर्गातील संस्थांच्या निवडणुका सहा टप्प्यात घेण्यात येणार आहेत. यातील काही संस्थांच्या मतदार याद्यांचा प्रारुप आराखडा निश्‍चित करण्यात आला आहे.
वैश्‍विक महामारीच्या काळात प्रतिबंधात्मक उपाययोजना म्हणून सहकारी संस्थांच्या निवडणुकांचा कार्यक्रम सलग दोन वर्षे पुढे ढकलला होता. परिस्थिती आटोक्यात आल्यानंतर स्थगित करण्यात आलेल्या निर्वाचन प्रक्रियांचा अवलंब करण्यात येणार असून तालुक्यातील 38 शेती-विकास सेवा संस्था सोबतच ब, क आणि ड वर्गातील मजूर, औद्योगिक संस्थांच्या, पाणीवापर, शेती प्रक्रिया, उद्योग व्यवसायातील संस्थाच्या निवडणुकांचे आयोजन करण्यात येणार आहे.
होऊ घातल्या आहेत. सध्या तालुक्यातील कलमठ विकास संस्थेची निवडणूक प्रक्रिया पूर्ण झाली आहे. या पाठोपाठ खारेपाटण, तळेरे, कणकवली, वरवडे आणि डांमरे विकास संस्थांच्या निवडणुकांची प्रक्रिया सुरू झाली आहे.

शिवसेनेचा डबल गेम तर नाही ना?
ज्यांच्या मुदती 2018 ते मार्च 2020 या कालावधीत संपुष्टात आल्या आहेत आणि ज्यांना मुदतवाढ देण्यात आली आहे. अशा संस्थांच्या निवडणुका होत आहे. यामध्ये शिवम मजूर संस्था ओसरगाव आणि सिंधू गारमेंट औद्योगिक संस्था कणकवली यांच्या मुदती 2019 मध्ये संपलेल्या आहेत. त्यानंतर 2020 मध्ये विकास सेवा संस्थांच्या मुदती संपत आहेत. यामध्ये घोणसरी, जानवली, नरडवे, नाटळ, लोरे, तळवडे, शिवडाव, बोर्डवे, हळवलया शेती विकास संस्थांच्या निवडणुका होऊ घातल्या आहेत.