कुलगाममधील चकमकीत दोन जवान शहीद
। जम्मू काश्मीर । वृत्तसंस्था ।
काश्मीरमधील कुलगाममध्ये ऑपरेशन अखलदरम्यान दोन जवान शहीद झाले आहेत, तर एका दहशतवाद्याचा खात्मा करण्यात आला.
गेल्या काही दिवसांपासून कुलगाममध्ये सुरक्षा दल आणि दहशतवाद्यांमध्ये चकमक सुरू आहे. मात्र शनिवारी सकाळी चकमक तीव्र झाली आणि जोरदार गोळीबार झाला. आतापर्यंत मिळालेल्या माहितीनुसार, यामध्ये 10 सुरक्षा कर्मचारी जखमी झाले, तर दोन जवान शहीद झाले. सुरक्षा दल आणि दहशतवाद्यांमध्ये अद्याप चकमक सुरू आहे. सुरक्षा दलांनी दहशतवाद्यांना सर्व बाजूंनी घेरले आहे. ऑपरेशन महादेवद्वारे सुरक्षा दलांनी पहलगाम दहशतवादी हल्ल्यांतील गुन्हेगारांना ठार केल्यापासून, दहशतवादी संतप्त झाले आहेत. त्यांच्याकडून सतत कट रचले जात आहेत.
कुलगाममध्ये, जिथे ही चकमक झाली, तेथे सुरक्षा दल गेल्या नऊ दिवसांपासून ऑपरेशन अखल राबवत आहेत. यापूर्वी, या भागात अनेक दहशतवादी लपले असल्याची माहिती मिळाली होती, त्यांचा खात्मा करण्यासाठी, सैन्य आणि जम्मू-काश्मीर पोलीस कर्मचाऱ्यांनी संयुक्तपणे ऑपरेशन राबवले असून, आतापर्यंत अनेक दहशतवाद्यांना ठार मारले आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.