शेकापचे नितेश देशपांडे यांचे निधन

| मुरुड जंजिरा | वार्ताहर |
मुरुड तालुक्यातील शेतकरी कामगार पक्षाचे ज्येष्ठ कार्यकर्ते व यशवंतनगर पंचक्रोशितील ज्येष्ठ समाजसेवक नितेश सदाशिव देशपांडे (60) यांचे फुफ्फुसाच्या कर्करोगाने निधन झाले. त्यांच्या पश्‍चात पत्नी, दोन विवाहित पुत्र असा परिवार आहे. मुरुड तालुका सुपारी संघ, नांदगावच्या श्री सिद्धिविनायक सेवा मंडळ, मुरुड तालुका कृषी उत्पन्न बाजार समिती व अन्य अनेक संस्था संघटनांशी त्यांचा घनिष्ठ संबंध होता. नांदगाव ग्रामपंचायतीचे माजी सरपंच विकास देशपांडे यांचे ते बंधू होत. नितेश देशपांडे यांनी आपल्या कारकीर्दीत फणसाड अभयारण्यातील इको सेन्सिटिव्ह झोनचा प्रश्‍न दिल्लीत पर्यावरणमंत्री प्रकाश जावडेकर यांची भेट घेऊन मार्गी लावला होता.त्यांच्या अंत्ययात्रेस शेकापचे मुरुड तालुका चिटणीस मनोज भगत, माजी नगराध्यक्ष मंगेश दांडेकर, काँग्रेसचेे नेते राजाभाऊ ठाकूर, सुपारी संघाचे चेअरमन महेश भगत, संदीप पाटील, अशोक धुमाळ, प्रीतम पाटील, अस्लम हलडे, संतोष महाडिक, इम्तियाज मलबारी, मुअज्जम हसवारे, नितीन पवार, माजी जि.प. सदस्य सुबोध महाडिक यांच्यासह अन्य पक्षांचे मान्यवर व त्यांचे स्नेही मोठ्या संख्येने उपस्थित होते.