| नेरळ | प्रतिनिधी |
मध्य रेल्वेच्या मेन लाईन वरील कर्जत एन्ड कडील नेरळ रेल्वे स्थानकाच्या सुशोभीकरण आणि नियोजित आराखड्याच्या अंमलबजावणीस सुरुवात झाली आहे. नेरळ जंक्शन रेल्वे स्थानकातील दुसर्या पादचारी पुलाचे काम मध्य रेल्वेच्या मुंबई रेल प्राधिकरणकडून सुरु करण्यात आले आहे.
मध्य रेल्वेच्या मेनलाईन वरील नेरळ जंक्शन रेल्वे स्थानकाचे नव्या रूपात आणण्याचे मावळ लोकसभा मतदारसंघाचे खासदार श्रीरंग बारणे यांचे अनेक वर्षाचे प्रयत्न यशस्वी होताना दिसत आहेत. या स्थानकाचा मेकओव्हर व्हावा यासाठी करोड रुपयांची खर्च असलेल्या आराखड्याला रेल्वे मंत्रालयाने परवानगी दिली आहे. त्यानुसार नेरळ स्थानकात आता पादचारी पुलाचे बांधकाम मुंबई रेल प्राधिकरण कडून सुरु करण्यात आले आहे.
या स्थानकातील मुंबई एन्ड कडे हा नवीन पादचारी पूल बांधण्यात येणार आहे. त्या ठिकणी 2003 मध्ये तत्कालीन रेलमंत्री नितीशकुमार यांच्या भेटीनंतर सुरु झाला होता. त्या ठिकणी पादचारी पूल बांधण्यासाठी दोन्ही फलाटांवर खांब देखील उभे केले होते. त्या खांबांवर गर्डर टाकण्याचे काम फक्त शिल्लक होते, मात्र त्या खांबांच्या दर्जाबाबत प्रश्नचिन्ह असल्याने मागील महिन्यात ते दोन्ही खांब कापून टाकण्यात आले होते. त्यामुळे नवीन पादचारी पुलाचे काम सुरु व्हावे यासाठी नेरळ रेल्वे प्रवासी संघटना यांच्याकडून सातत्याने पाठपुरावा केला जात होता. सध्या फलाटावर असलेल्या पादचारी पूल कर्जत दिशेकडे असल्याने प्रवाशांना अडचणी येत होत्या आणि त्यामुळे नेरळ प्रवासी संघटनेचे संदीप म्हसकर यांचा पाठपुरावा सुरु होता.
खासदार श्रीरंग बारणे यांनी देखील पुलाच्या उभारणीसाठी आणि स्थानकाचा कायापालट करणारा आरखडा राबविण्यासाठी मध्य रेल्वेकडे पाठपुरावा सुरु होता. आता खर्या अर्थाने नेरळ स्थानकाचा मेक ओव्हर कामला सुरुवात झाल्याचे दिसून येत आहे. नेरळ स्थानकात नव्याने आणखी एक पादचारी पूल, तसेच सरकते जिने आणि अन्य महत्वाची कामे सुरु होणार आहेत.
खासदार आणि रेल्वेकडे पाठपुरावा करीत असून खासदार यांचा देखील कामांना सुरुवात व्हावी यासाठी सुरु असलेले प्रयत्न महत्वाचे आहेत.
संदीप म्हसकर,प्रवासी संघटना