शटल सेवेच्या सर्व गाड्या पर्यटक हंगामात चालवा

। नेरळ । प्रतिनिधी ।

माथेरान चे पर्यटन आणि नेरळ- माथेरान- नेरळ अशी प्रवासी मिनीट्रेन असे व्यवसायाचे समीकरण आहे. त्यामुळे मिनीट्रेन सुरु करण्यात यावी अशी मागणी माथेरानकरांनी गुरुवारी (दि.20) मध्य रेल्वेचे महाव्यवस्थापक यांच्याकडे केली.

मध्य रेल्वेचे महाव्यवस्थापक अनिलकुमार लाहोटी, मुंबई विभागीय व्यवस्थापक रजनीश कुमार गोयल यांनी स्थानकाला भेट दिली. त्यावेळी उभारण्यात आलेल्या धातू मधील सिंहाच्या पुतळ्याचे अनावरण केले. त्यावेळी माथेरानकर मोठ्या संख्येने उपस्थित होते. त्यावेळी माजी नगराध्यक्ष प्रेरणा सावंत आणि सावंत यांनी नेरळ- माथेरान- नेरळ प्रवासी सेवा सुरु करण्याची मागणी केली त्याचवेळी दिवाळी पर्यटन हंगामासाठी मध्य रेल्वे कडून चालविण्यात येत असलेल्या माथेरान ते अमन लॉज या शटल सेवेच्या फेर्‍या शनिवार, रविवार प्रमाणे असावेत अशी मागणी केली. त्याचवेळी माथेरान स्थानकात नादुरुस्त अवस्थेत असलेली इमारतीमध्ये इमारत पाडून तेथे रेल्वेकडून विश्राम ग्रह उभारण्याची मागणीही केली. माजी नगराध्यक्ष मनोज खेडकर यांनी जुन्या इमारतीच्या काही भागात मध्य रेल्वे कडून वस्तू संग्रहालय उभे करावे अशी मागणी करताना त्या वस्तू संग्रहालयाचा लावण्यात आलेला बोर्ड मध्य रेल्वे महाव्यवस्थापक लाहोटी यांना दाखवला.

यावेळी देण्यात निवेदनात पर्यटकांचे आकर्षण असणारी, 115 वर्षांचा जुना वारसा असणारी आणि जागतिक वारसा भूषवू पाहणारी मिनीट्रेन नेरळ माथेरान मिनी ट्रेन शक्यतो आगामी दिवाळी हंगामापूर्वी लवकारांत लवकर चालू करावी. याच बरोबर 8 प्रवाशी डब्बे आणि हंगामानुसार पर्यटकांची गैरसोय होऊ नये म्हणून जमल्यास शटलच्या वाढीव फेर्‍या असाव्यात, इलेक्ट्रॉनिक इंडिकेटर, अमनलॉज स्थानका जवळील प्रतिक्षालय चालू करणे, अमनलॉज स्टेशन ते माथेरान स्थानका दरम्यान रेल्वे ट्रॅकच्या बाजूला सुरक्षित अंतरावर पेव्हर ब्लॉकचा पादचारी पथ, सुरक्षिततेसाठी दरड प्रतिबंधात्मक गँबियन वॉलचे बांधकाम हे मुख्यतः काळोखी येथील आणि हॉटेल सन अँड शेड च्या समोरील मातीधुप होऊन झाडांची मुळे बाहेर आल्याने पडण्याची दाट शक्यता रोखण्यासाठी व पर्यावरण वाचविण्यासाठी करणे अत्यंत आवश्यक आहे. तसेच अमनलॉज ते माथेरान स्टेशन दरम्यान विशेषतः इंदिरा गांधी नगर समोरील रेल्वे ट्रॅक क्रॉसिंगला मोर्‍या, गटारे यांचे बांधकाम करणे गरजेचे आहे. त्यावेळी माजी नगराध्यक्ष विवेक चौधरी,माजी उपनगरध्यक्ष आकाश चौधरी, प्रदीप घावरे, विवेक सकपाळ, राजेश चौधरी, गिरीश पवार, कुलदीप जाधव, अनिल गायकवाड, विजय गंगाराम कदम, दिनेश सुतार, श्रेयश गायकवाड, सामाजिक कार्यकर्ते जनार्धन पार्टे उपस्थित होते.