स्वामींचा सहवास लाभलेले पळसदरीचा मठ

| नेरळ । वार्ताहर ।
पळसदरी हे मुंबई उपनगरीय रेल्वेच्या कर्जत-खोपोली विभागावरील एक लोकप्रिय पर्यटन स्थळ आणि रेल्वे जंक्शन आहे. तो कर्जत-लोणावळा मार्गावरही येतो. खोपोली मार्गावरील पुढील स्टेशन केळवली आहे. पलासदरी हे नाव पलास वृक्ष आणि दारी म्हणजे पास (टेकड्यांमधला रस्ता) या दोन शब्दांच्या संयोगातून आले आहे. कर्जत खोपोली राज्य महामार्ग क्रमांक 35 वर वसलेले आहे.

पलासदरी येथेच प्रसिद्ध पलासदरी धरण आहे. पलासदरी येथे ब्रिटीश राजवटीची आणि त्याहूनही जुनी मंदिरे आहेत. विशेषत: पावसाळ्यात मुंबई, पनवेल आणि नवी मुंबईतून बरेच पर्यटक येथे येतात. पावसाळ्यात संपूर्ण प्रदेशातील धबधबे सक्रिय होतात आणि परिसर हिरवाईने व्यापलेला असतो. पलासदरीचे आणखी एक आकर्षण म्हणजे येथे वसलेले श्री स्वामी समर्थ महाराज अक्कलकोट यांचा मठ अतिशय सुंदर ठिकाणी वसलेला आहे. सह्याद्रीच्या पर्वतरांगांमध्ये बोरघाटाच्या पायथ्याशी वसलेले कर्जत तालुक्यातील पळसदरी हे छोटेसे गाव.मुंबईत व्यवसायाच्या दृष्टीने स्थायीक झालेल्या आणि ज्योतिषविषयक मार्गदर्शन करणार्‍या नारायण ऊर्फ दादा दरेकर ह्यांना श्री स्वामी समर्थांनी स्वप्नात दिलेल्या दृष्टांतानंतर खरेतर ह्या मठाची उभारणी झाली.

दादांच्या मार्गदर्शनाखाली 1मे ते 7 मे1993 रोजी पळसदरी येथील रेल्वेच्या मालकीच्या असलेल्या तळ्याकाठी 108 हवनयुक्त पारायणाचे आयोजन करण्यात आले होते. श्री स्वामी समर्थांनी दिलेल्या स्वप्नातील दृष्टांतानंतर अक्कलकोट ते मुंबई प्रवासादरम्यान ज्या ठिकाणी श्री स्वामी समर्थांनी 22 दिवस वास्तव्य केले होते.त्याच ठिकाणी स्वामींच्या कृपाशीर्वादाने मठाची उभारणीही अवघ्या 22 दिवसांत पूर्ण झाली होती.

पावसाळ्यात पळसदरी येथील धबधब्यावर तसेच फिरायला येणारे अनेक पर्यटक पर्यटनाचा आनंद घेतात. 10 जुलै 2010 रोजी दादांना देवाज्ञा झाल्यानंतर उत्सव कमिटीच्या वतिने मठातील कार्यक्रमांचे आयोजन करण्यात येते.