रायगडात आता सीएनजी गॅस घरोघरी पोचणार
खालापूर- सावरोली येथे सिटी हेच स्टेशन
| अलिबाग | विशेष प्रतिनिधी |
खोपोली व आसपासच्या परिसरातील ग्राहकाना नॅचरल गॅसचा पुरवठा सुरळित होण्यासाठी महानगर गॅसने खालापूर- सावरोली येथे सिटी हेच स्टेशन (सीजीएस) सुरू केले आहे. रायगड जिल्ह्यातील सीजीएसचे हे पहिले स्टेशन आहे. यामुळे परिसरातील नागरिकाना घरोघरी देणारा महानगर गॅस तसेच वाहनांसाठी सीएनजी गॅसचा आता अखंडीत होणार आहे.
महानगर गॅसतर्फे सीएनजी गॅस स्टेशन अनेक महामार्गावर उभारण्यात आले आहेत. घरगुती ग्राहकांसाठी पाईप गॅस पुरवठा मुंबई-ठाणे-नवी मुंबईबाहेरील क्षेत्रासाठीही करावा, अशी ग्राहकांची मोठी मागणी होती. त्यानुसार कंपनीने खालापूर तालुक्यातील सावरोली येथे सीजीएस सेंटर नुकतेच सुरू केले. यामुळे परिसरातील घरगुती ग्राहकाना पाईप गॅसद्वारे गॅस पुरवठा केला जाऊ शकतो. परिणामी सिलिंडरवर ग्राहकाना आता अवलंबून राहण्याची वेळ येणार नाही.
सावरोली येथील सीजीएस हे गेलच्या दहेज-उरण गॅस ट्रान्समिशन पाईपलाईनला आणि नॅशनल गॅस ट्रान्समिशन सिस्टीमला थेट कनेक्टिव्हीटी प्राप्त करून देत आहे. यामुळे महानगर गॅसला सुरक्षित व अखंडीत गॅस पुरवठा करता येणार आहे.
आम्ही ग्राहकाना जास्तीतजास्त सेवा पुरवण्याच्या प्रयत्नात असतो. सावरोली येथील सीजीएस सेंटरमुळे रायगड जिल्ह्यातील ग्राहकाना अखंडीत गॅस पुरवठा करणे शक्य होणार आहे. रायगड मध्ये आणखी सीजीएस सेंटर सुरू करण्याचा आमचा प्रयत्न आहे.
आशु सिंघल, महानगर गॅस व्यवस्थापकीय संचालक
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.