रायगडात लवकरच शॉर्ट फिल्म फेस्टिवल

माझ्या नवऱ्याची बायको फेम राधिकाची सुधागडात दमदार एन्ट्री, चाहते सुखावले

पाली/बेणसे | धम्माशील सावंत |

रायगडात लवकरच शॉर्ट फिल्म फेस्टिवल चे आयोजन करण्यात येणार असून याची सुरवात सुधागड तालुक्यातून करण्यात येणार आहे. या निमित्ताने सुधागड तहसिल कार्यालयात  माझ्या नवऱ्याची बायको फेम राधिकाची दमदार एन्ट्री झाली. यावेळी (राधिका)अनिता दाते केळकर व कलाकार गौतम जोगळेकर यांनी फेस्टिवल संदर्भात तहसीलदार दिलीप रायन्नावार यांच्याशी चर्चा केली. माझ्या नवऱ्याची बायको या लोकप्रिय मालिके  मधील  नायिका अनिता दाते केळकर (राधिकाचा) अप्रतिम अभिनय सर्वांच्या हृदय सिंहासनावर अधिराज्य गाजवत आला आहे, राधिका घराघरात पोहचली ती तिच्या  अफलातुन व भन्नाट अभिनयाने, तिची लोकप्रियता महिला वर्गात तर आहेच मात्र पुरुष ही हा कार्यक्रम आवर्जून बघतात. तिची दमदार एन्ट्री सर्वाना सरप्राईज ठरली.

राधिकाला पाहून सारे या त्याच न माझ्या नवऱ्याची बायको  कार्यक्रमातील, अन राधिकाला बघण्यासाठी चाहत्यांची गर्दी जमली. शॉर्ट फिल्म फेस्टिवल च्या माध्यमातून जिल्ह्यातील निसर्गरम्य स्थळे, पर्यटनस्थळे, विविध ज्वलंत प्रश्न , समस्यांना उजाळा देण्याचे काम होणार आहे, विशेष म्हणजे स्थानिक कलाकारांना यामध्ये आपले कलागुणांना सादर करण्यास संधी मिळणार असल्याचे समजते. दरम्यान पालकमंत्री आदिती तटकरे व जिल्हाधिकारी निधी चौधरी यांच्याकडे  सदर चित्रफीत सादर केली जाणार , फेस्टिवल संदर्भात  नियोजन करण्यासाठी ही भेट असल्याची माहिती तहसीलदार दिलीप रायन्नावार यांनी दिलीय.