शेकापचे माजी आमदार गणपतराव देशमुख यांच्या निधनामुळे राजकीय वर्तुळात हळहळ व्यक्त होत आहे. अनेक राजकीय राजकीय व सामाजिक क्षेत्रातील मंडळींनी त्यांना श्रद्धांजली वाहिली आहे. तसेच प्रियांका गांधी-वढेरा यांनीही गणपतराव देशमुख यांच्या निधनानिमित्त शोक व्यक्त केला असून, त्यांच्या भावना ट्विटरवर पोस्ट केल्या आहेत.
प्रियांका गांधी-वढेरा म्हणाल्या, महाराष्ट्रातील सर्वाधिक काळ आमदार राहिलेले माजी आमदार गणपतराव देशमुख यांच्या निधनाची दु:खद बातमी समजली. गणपतराव देशमुख यांनी राजकारणात समाजकारण केले. त्यांनी वंचित शेतकरी व कामगार वर्गासाठी आवाज उठवला. त्यांच्या या कृतीने देशात एक अद्वितीय उदाहरण घालून दिले आहे, अशा प्रतिक्रिया प्रियांका गांधी-वढेरा यांनी ट्विट केली आहे.
शुक्रवारी रात्री माजी आमदार गणपतराव देशमुख यांचे निधन झाल्याची बातमी सोशल मीडियावरून समजल्यावर सोशल मीडियावर फक्त आबासाहेबांचे फोटो व त्यांचे कर्तृत्व झळकत होते.