नवी मुंबईतील एनआरआय संकुलातील इमारतीला भीषण आग
| नवी मुंबई | प्रतिनिधी |
मुंबईतील उच्चभ्रू वसाहत म्हणून मानल्या जाणाऱ्या नेरुळ येथील एनआरआय कॉम्प्लेक्सच्या बिल्डिंगमध्ये सोमवारी(दि.14) सकाळी पावणे सहाच्या सुमारास आग लागली. कॉम्प्लेक्सच्या 17 व्या मजल्यावर आग लागली असल्याने आग विझविण्यासाठी अग्निशमन दलाला शर्थीचे प्रयत्न करावे लागले. अग्निशमन दलाच्या तीन गाड्या आणि अत्याधुनिक ब्रॉंटो लिफ्ट घटनास्थळी दाखल झाल्याने जलदगतीने आग विझविण्यास मदत झाली.
आगीच्या कचाट्यात सापडलेले घर पूर्णपणे जळून खाक झाले असून सुदैवाने कोणतीही जीवित हानी झाली नसल्याची प्राथमिक माहिती मिळाली आहे. ज्या घरात आग लागली होती तिथल्या व्यक्तींनी आग लागल्याचे कळताच तात्काळ तिथून बाहेर पडत अग्निशमन दलाला सूचना दिल्याने मोठी दुर्घटना होण्यापासून टळल्याचे प्रत्यक्षदर्शींकडून सांगितले जात आहे. मात्र, आग लागण्याचे कारण अद्याप स्पष्ट झालेले नसून पुढील तपास सुरू असल्याची माहिती अग्निशमन दलाकडून देण्यात आली आहे.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.