पॉर्न व्हिडीओ पाहून धक्कादायक प्रकार
| पनवेल | वार्ताहर |
एका 13 वर्षीय मुलाने आपल्या 15 वर्षीय बहिणीवर बलात्कार केल्याप्रकरणी त्याच्यावर गुन्हा दाखल करण्यात आला आहे. अल्पवयीन मुलीचा मेडिकल रिपोर्ट समोर आल्यानंतर भावाविरोधात खांदेश्‍वर पोलीस ठाण्यात गुन्हा दाखल करण्यात आला आहे.
पोट दुखत असल्याने 15 वर्षीय मुलगी आपल्या आई-वडिलांसह वाशी येथील रुग्णालयात गेली होती. त्यानंतर ती तीन महिन्यांची गरोदर असल्याचे समोर आले. हॉस्पिटल प्रशासनाने यासंदर्भातील माहिती वाशी पोलिसांना दिली होती. मुलीने दिलेल्या जबाबानुसार भाऊ-बहिणीने डिसेंबर महिन्यामध्ये पॉर्न व्हिडीओ पाहिले होते. त्यांनी व्हिडीओतील गोष्टी करून पाहण्याचे ठरवले. दरम्यान, जानेवारी महिन्यामध्ये छोट्या भावाने बळजबरी केली अन् मोठ्या बहिणीवर बलात्कार केला. मासिक पाळी न आल्याने याची माहिती मुलीने आपल्या आईला दिली. त्यानंतर तिच्या आई-वडिलांनी तिला हॉस्पिटलमध्ये नेले, असे वाशी पोलिसांनी सांगितले.
माहितीनुसार पीडित मुलीचे आई-वडील हाऊसकिपिंगचे काम करतात. वडील दहा हजार रुपये प्रति महिना कमावतात, तर आई आठ हजार रुपये महिन्याला कमावते. याशिवाय वडील मिळेल ते काम घेत असतात, रात्रीचे ओव्हरटाईमदेखील ते करतात. पोलिसांनी दिलेल्या माहितीनुसार, आई-वडील घराच्या बाहेर गेल्यानंतर हा प्रकार घडला आहे. मुलाला बाल कल्याण विभागासमोर सादर करण्यात आले आहे. मुलाविरोधात भारतीय दंड संहितेच्या कलम अंतर्गत गुन्हा दाखल करण्यात आला आहे. शिवाय बालकांचे लैंगिक गुन्ह्यापासून संरक्षण (पोस्को) कायद्यांतर्गत कारवाई करण्यात येणार आहे.