अज्ञात वाहनाच्या धडकेत पादचार्‍याचा मृत्यू

। पनवेल । वार्ताहर ।

अज्ञात वाहनाने दिलेल्या धडकेत रस्ता क्रॉस करणार्‍या पादचार्‍याचा मृत्यू झाला. या प्रकरणी खारघर पोलीस ठाण्यात गुन्हा दाखल करण्यात आला. एक पन्नास वर्षीय अनोळखी व्यक्ती खारघर येथील मुंबई-पुणे लेनवर हिरानंदानी ब्रिजच्या पुढे रस्ता क्रॉस करत होता. यावेळी अज्ञात वाहन चालकाने चार चाकी वाहन भरधाव वेगाने चालवून त्याला धडक दिली. या धडकेत त्याचा मृत्यू झाला. त्यानंतर कारचालक पळून गेला.