। हमरापूर । प्रतिनिधी ।
पेण विधानसभा मतदारसंघातील महाविकास आघाडी पुरस्कृत शेकापचे उमेदवार अतुल म्हात्रे यांची पेण तालुक्यातील हमरापूर भागात प्रचार रॅली काढण्यात आली होती. या प्रचार रॅलीला शेकाप, काँग्रेस, राष्ट्रवादी (शरदचंद्र पवार) तसेच ग्रामस्थांनी उत्स्फूर्त प्रतिसाद दर्शविला.
पेण विधानसभा मतदारसंघातील पेण-पाली-रोहा या तिन्ही तालुक्यातील प्रचारात शेतकरी कामगार पक्षाचे उमेदवार युवा नेतृत्व अतुल म्हात्रे यांनी आघाडी घेतली आहे. त्यामुळे संपूर्ण पेण मतदारसंघात अतुल म्हात्रे यांची निशाणी असलेल्या शिट्टीची हवा निर्माण झाली आहे. तर, मतदारसंघात ‘शिट्टीची हवा, जनतेला आता अतुल म्हात्रेच आमदार हवा’ असे चित्र निर्माण झाले आहे. या निवडणुकीत अतुल म्हात्रे यांनाच प्रचंड मतांनी विजयी करा, असे आवाहन किशोर पाटील, निलेश पाटील यांनी केले आहे. या प्रचार रॅलीत महिलावर्ग देखील मोठ्या संख्येने उपस्थित होते. हमारापूर गावात या प्रचार रॅलीमध्ये तरुण वर्गाचा मोठा सहभाग दिसून आला. तसेच, युवा नेतृत्व अतुल म्हात्रे यांच्याकडून आम्हाला खूप अपेक्षा असल्याचे युवकांचे म्हणणे आहे.
अतुल म्हात्रे यांना उत्स्फूर्त प्रतिसाद
