माणगावात दुचाकीची रिक्षाला धडक

| माणगाव | वार्ताहर |

माणगावपासून 9 किमी अंतरावर इंदापूर-तळा रस्त्यावर इंदापूर येथील मंदिरासमोर भरधाव दुचाकीने विरुद्ध दिशेला येत ऑटो रिक्षाला धडक दिल्याने अपघात झाला. या अपघातात दोन्ही वाहनांमधील एकूण पाच जणं जखमी झाले. सदरील अपघात शुक्रवार (दि.2) दुपारी साडेतीन वाजण्याच्या सुमारास घडला. या अपघाताची फिर्याद समीर अब्दुल गनी परदेश (31) निजामपूर-माणगाव यांनी माणगाव पोलीस ठाण्यात दिली.

अपघाताबाबत मिळालेली माहिती अशी कि, घटनेतील आरोपी दुचाकीवरील चालक सुरेश चंदर कोळी रा. मूठवली तर्फे तळे याने त्याच्या ताब्यातील दुचाकी गाडी (एमएच-06-बीएच-4280) इंदापूरकडून तळाकडे अति वेगाने घेऊन येत असताना (एमएच-06-बीव्ही-1030) ऑटो रिक्षाला समोरून धडक दिल्याने अपघात घडला. या अपघातात झाकीर अब्दुल गनी परदेशी, मुजम्मिल हसन राऊत, जलील हुसेन लोखंडे तिन्ही रा. निजामपूर-माणगाव, सुरेश चंदर कोळी रा. मूठवली तर्फे तळे-माणगाव, रोहिदास जाधव रा. बोरघार-तळा हे पाच जण जखमी होऊन दोन्ही वाहनांचे नुकसान झाले आहे. या अपघाताची नोंद माणगाव पोलीस ठाण्यात करण्यात आली असून अपघाताचा अधिक तपास पोलीस निरीक्षक राजेंद्र पाटील यांच्या मार्गदर्शनाखाली पोलीस हवालदार दोडकुलकर हे करीत आहेत.