सुकेळी येथे तीन वाहनांना अपघात

सुदैवाने कोणतीही जीवितहानी नाही

| सुकेळी | वार्ताहर |

मुंबई-गोवा महामार्गावर सुकेळी गावाच्या हद्दीमध्ये मुंबईच्या दिशेने जाणाऱ्या तीन वाहनांना अपघात झाला. सुदैवाने यामध्ये कोणत्याही प्रकारची जीवितहानी झाली नाही.

कोलाड बाजुकडुन जाणारी बस (एमएच-20-बीएल-2474) सुकेळी येथील हायड्रील कंपनीच्या समोर आली असताना बस चालकाचे गाडीवरील नियंत्रण सुटले. गाडीवर ताबा मिळविण्यासाठी चालकाने ब्रेक लावला. त्यामुळे पाठीमागून येणारी स्विफ्ट गाडी(एमएच-01-एई-0837) आणि कंटेनर (एनएल-01-एमडी-8979) यांच्यात जोरदार धडक झाली. या अपघातात कंटेनर चालक अब्दुल शकुर राशिद (53) रा.बुलढाणा, बस चालक एन.एन.जाधव (35) रा.बीड, खेड डेपो, कार चालक अजय विजय पाटोळे (37) रा.मिरा रोड-मुंबई, तसेच बसमधील प्रवासी अर्चना दिलीप इंद्रे (47), अपेक्षा दिलीप इंद्रे (22), सुभाष बाबू शिगवण (65), काशिनाथ निळकंठ चव्हाण (45), संतोष धर्माजी कांबळे (66), सुमेत संतोष कांबळे (33), सुरेश पांडुरंग सकपाळ (58) हे सर्व किरकोळ जखमी झाले.