उरण शहरातील अनधिकृत बांधकामावर कारवाई

। उरण । वार्ताहर ।
उरण शहरातील मौजे बोरी पाखाडी, स्मशान रोड, भंगारवाला वस्तीत नवीन बांधकाम चालू होते. या बांधकामास कोणतेही शासकीय परवानगी नव्हती. हे बांधकाम अनधिकृत होते. तेंव्हा या अनधिकृत बांधकामाविषयी आवाज उठवत मनसेचे संदेश ठाकूर यांच्या मार्गदर्शनाखाली मनसेच्या पदाधिकारी कार्यकर्त्यांनी नगर परिषदेचे मुख्याधिकारी संतोष माळी तसेच उरण पोलीस ठाण्याचे वरिष्ठ पोलीस निरीक्षक सुनील पाटील यांची भेट घेऊन सदर अनधिकृत बांधकाम व त्या ठिकाणी सुरु असलेले काम त्यांच्या निदर्शनास आणून दिले.
तसेच सदर अनिधिकृत बांधकाम त्वरित बंद करावेत असे निवेदन नगर परिषद व उरण पोलीस स्टेशनला दिले. सदर अनिधिकृत बांधकाम बंद झाले नाही तर या विरोधात महाराष्ट्र नवनिर्माण सेनेने त्वरित तीव्र आंदोलन करण्याचा इशारा दिला होता. मनसेच्या मागणीची दखल घेत परिषदेचे मुख्याधिकारी माळी यांनी मौजे बोरी पाखाडी, स्मशान रोड, भंगारवाला वस्ती येथील सुरु असलेले अनधिकृत बांधकाम त्वरित बंद केले. व त्याविरोधात कारवाई केली.मनसेच्या संदेश ठाकूर, उमेश वैवडे, रितेश पाटील, दिनेश हळदणकर, गणेश तांडेल, दिपक पाटील, सतीश पाटील आदी पदाधिकारी कार्यकर्त्यांनी निवेदन दिले होते.