डेब्रिज टाकणाऱ्या डंपरवर कारवाई
| पनवेल | प्रतिनिधी |
सिडकोच्या मोकळ्या जागांवर तसेच संपादित करण्यात आलेल्या भूखंडांवर अनधिकृतपणे डेब्रिज टाकणाऱ्यांविरोधात सिडको प्रशासनाने कारवाईचा बडगा उगारला आहे. उलवे आणि पनवेल शहर पोलीस ठाण्याच्या हद्दीत डेब्रिज टाकताना आढळलेल्या दोन डंपरवर कारवाई करून ते जप्त करण्यात आले आहेत. संबंधित चालकांविरोधात पोलिस ठाण्यात गुन्हे दाखल करण्यात आले आहेत.
मुंबईतील बांधकामांचा राडारोडा नवी मुंबई परिसरात दिवस-रात्र चोरून टाकण्याचे प्रकार वाढत असल्याची माहिती सिडकोच्या दक्षता विभागाला मिळाली होती. त्यानुसार सिडकोचे मुख्य दक्षता अधिकारी सुरेश मेंगडे यांच्या नेतृत्वाखाली दक्षता, सुरक्षा, अभियांत्रिकी आणि पोलीस विभागाच्या संयुक्त पथकाने कारवाई सुरू केली. यादरम्यान, हिदायत इरशाद रसूल (53) हा चालक उलवे येथील शेलघर टोलनाका यथे बांधकामांचा राडारोडा भरलेला डंपर घेऊन जात असताना आढळून आला. तसेच, पठाण जावेद रसूल खान (27) हा चालक देखील मानवी आरोग्यास आणि पर्यावरणास धोका निर्माण करणारा डेब्रिज अनधिकृतपणे टाकला जात असल्याचे आढळले. उरण-पनवेल लिंक रोडवरील साईकृपा ढाबा परिसरात ही कारवाई करण्यात आली. या दोघांविरोधात पनवेल शहर पोलीस ठाण्यात गुन्हा दाखल करण्यात आला असून, डंपर जप्त करण्यात आले आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.