रोहित शर्माने बांगलादेशसाठी रचला चक्रव्यूह
। पुणे । वृत्तसंस्था ।
बांगलादेशकडे 5-6 दर्जेदार फलंदाज आहेत. यामुळेच भारतीय कर्णधार रोहित शर्मा 2016 मध्ये टीम इंडियासाठी शेवटच्या वेळी गोलंदाजी करणाऱ्या ‘हॅटट्रिकमॅन’ला परत आणणार आहे. आणि यासाठी आर. अश्विन मदत करत आहे.
विश्वचषक 2023 मोहिमेची मायदेशातील भूमीवर शानदार सुरुवात केली आहे. नरेंद्र मोदी स्टेडियमवर शनिवारी झालेल्या पाकिस्तानविरुद्धच्या विजयानंतर टीम इंडिया रविवारी पुण्यात पोहोचली आणि दुसऱ्या दिवशी सुट्टी घेण्यापूर्वी थेट त्यांच्या हॉटेलमध्ये गेली. भारताने मंगळवार नंतर पर्यायी सराव सत्र आयोजित केले. विशेष म्हणजे यावेळी महाराष्ट्र क्रिकेट असोसिएशनचे स्टेडियम खचाखच भरले होते. असाच एक प्रकार या सामन्यात पाहायला मिळाला, ज्यामुळे बांगलादेशसमोर निर्माण झाली आहे. एकप्रकारे भारताचा हॅट्रिकमॅन 7 वर्षांनंतर भारतीय संघात पुनरागमन करणार आहे. रोहित शर्मा, विराट कोहली, हार्दिक पांड्यासारखे खेळाडू सरावासाठी उपस्थित होते. स्टार स्पोर्ट्सने नेदरलँड आणि दक्षिण आफ्रिका यांच्यातील सामन्याच्या इनिंग ब्रेक दरम्यान भारताच्या सराव सत्राची क्लिप शेअर केली ज्यात रोहित शर्मा रवींद्र जडेजाला गोलंदाजी करताना दिसला.
दरम्यान, विश्वचषकाआधी पत्रकार परिषदेत गोलंदाजीबाबत विचारण्यात आले, तेव्हा रोहित शर्माने आपण गोलंदाजी करु शकतो, असे म्हणत हिंट दिली होती. पुण्यात रोहित शर्मा गोलंदाजी करणार का? याकडे चाहत्यांच्या नजरा खिळल्या आहेत.
रोहित शर्माचा गोलंदाजी रेकॉर्ड्स रोहित शर्माने टीम इंडियासाठी तिन्ही फॉर्मेटमध्ये गोलंदाजी केली आहे. कसोटीच्या 16 डावात त्याने 2 विकेट घेतल्या आहेत. वनडेमध्ये 38 डावात 8 विकेट घेतल्या आहेत. तर टी-20 मध्ये एक विकेट घेतली आहे. आयपीएलमध्ये सलग 3 विकेट घेण्याचा रेकॉर्ड्सही रोहित शर्माच्या नावावर आहे.