वाढीव कराविरोधात आक्रमक

। तळा । वार्ताहर ।

तळा नगरपंचायत हद्दीतील मालमत्ता कर वाढीच्या नोटीसा बजावल्या असुन जाचक वाढीव कर विरोधात सर्व पक्षीय नागरिक आक्रमक झाले आहेत. सर्वसामान्य नागरिकांना कर परवडणारे नसुन रहीवासी सामुहिक हरकती नोंदवीण्यासाठी नगरपंचायत समोर आक्रमक पवित्रा घेणार आहेत.

आधुनिक काळात सुस्थितीत घर बांधून नोकरी निमित्ताने शहरात गेली आहेत. अनेक घरे अनधिकृत बांधकाम दाखवली जात आहेत. नगरपंचायत नियमा नुसार टाऊन प्लॅनिंग तयार नाही. मालमत्ता मोजणीसाठी कंत्राटी पद्धतीने कामगार घेऊन मोजमापे घेतली याबाबत चौकशी केली असता कामगार म्हणतात की, आम्हाला जे सांगितले तेव्हढेच करतोय, या बाबतीत पुर्ण माहिती नाही. अनधिकृत बांधकामांची घरपट्टी वसुली करीत नाही. वाढीव बांधकाम किंवा नुतनीकरण बांधकाम केलेला कर घेत नाही. त्यामुळे उत्पन्न कर दिसत नाही. वाढीव बांधकामाचे टाऊन प्लॅनिंगनुसार होणारा कर एकत्रीत करातून भरलेला वजा करून करदात्यांना कर भरणे सोपे गेले असते. उत्पन्नात वाढ दिसली असती पण नगरपंचायत प्रशासन याबाबत गांभीर्याने विचार न करता वाढीव कर लादून कराच्या ओझ्याखाली दाबत असल्याचा प्रकार चालवीत आहे. या अन्यायाविरुद्ध नागरीक संतप्त झाले आहेत.