प्रेमात धोका दिल्याने प्रेयसीला विजेचा शॉक

| नागपूर | वृत्तसंस्था |

दोन महिने प्रेम केल्यावर दुसऱ्यासोबत प्रेमसंबंध ठेवणाऱ्या 31 वर्षीय महिलेला चक्क प्रियकराने विजेचा शॉक दिला. ही धक्कादायक घटना शनिवारी (दि.5) सकाळी सव्वादहा वाजताच्या सुमारास समोर आली. पोलिसांनी आरोपी प्रियकरास अटक करण्यात आली आहे. विक्की हजारे (31), रा. दहीबाजार असे आरोपीचे नाव आहे.

पोलिसांनी दिलेल्या माहितीनुसार, विक्की आणि महिलेची फेसबुक मॅसेंजरवरून चार महिन्यांपूर्वी ओळख झाली. महिलेने पतीशी फारकत घेतली असून तिला एक मुलगा आहे. ते एकमेकांशी बोलू लागले. भेटीचे रुपांतर प्रेमात झाले. महिले बोलणे थांबविले. त्यामुळे विक्की संतापला. महिलेचे दुसऱ्याशी प्रेमसंबंध असल्याचे कळल्याने शनिवारी (दि.5) सकाळी तो महिलेच्या कपिलनगर येथील घरी गेला. त्याने दोन वायर सॉकेटमध्ये टाकले ती बाथरूममधून बाहेर येताच, त्याने तिच्या अंगाला वायर लावले. त्यामुळे तिला विजेचा धक्का लागला. विक्की तेथून पसार झाला. माहिती देताच कपिलनगर पोलिसांनी गुन्हा दाखल केला. विक्की अतिशय हळव्या मनाचा असल्याने त्याने महिलेला संपवून आत्महत्येच्या विचाराने अंबाझरी तलाव गाठला. वरिष्ठ पोलिस निरीक्षक महेश आंधळे यांनी संपर्क साधला असता, त्याने आत्महत्या करीत असल्याची माहिती दिली. मात्र, आंधळे यांनी समजूत काढली. त्याच्या मोबाइलचे लोकेशन शोधून तिथे बीटमार्शल पाठवून त्याला ताब्यात घेतले.