| अलिबाग | विशेष प्रतिनिधी |
वेश्र्वी येथे भरधाव कार चालकाने कांदा विक्रेत्याला उडवल्याची घटना 11.30 वाजता घडली. गंभीर जखमी झालेल्या कांदा विक्रेत्याला रुग्णालयात दाखल करण्यात आले आहे.
मुंबई बाजू कडून अलिबागकडे जात असलेल्या भरधाव कार चालकाचे नियंत्रण सुटून रस्त्याच्या बाजूला कांदे विकण्यासाठी बसलेल्या अशोक चौधरी याला उडवले. दैव बलवत्तर म्हणून त्याचे प्राण वाचले असले तरी गंभीर जखमी झाल्याने त्याला रुग्णालयात दाखल करण्यात आले आहे.