| चणेरा | प्रतिनिधी |
शेतकऱ्यांसाठी भरभरून कृषी योजना आहेत. त्या सर्व योजनांचा शेतकरी बांधवांनी परिपूर्ण लाभ घेतला पाहिजे. रोहा तालुका शेतकरी विकास प्रतिष्ठानने सर्वच शेतकऱ्यांसाठी मार्गदर्शक म्हणून काम करत कृषी चळवळ उभी केली. संबंध तालुक्यातील शेतकऱ्यांच्या सेवेसाठी आम्ही सदैव तत्पर आहोत. उपस्थितांमध्ये तरुण शेतकरी पाहिल्याने कृषी चळवळ अधिक प्रगल्भ होईल, असे प्रतिपादन उपविभागीय कृषी अधिकारी आनंद कांबळे यांनी केले. शेतकरी विकास प्रतिष्ठान आयोजित कृषी दिनदर्शिका 2024 प्रकाशन, शेतकरी सन्मान, कृषी प्रदर्शन कार्यक्रमात ते बोलत होते.
रोहा येथील भाटे सार्वजनिक वाचनालयाच्या सभागृहात कृषीसंबंधी विविध पर्वणी कार्यक्रमाला व्यासपीठावर स्मार्टचे उपसंचालक सतीश बोराडे, कृषी विज्ञान केंद्राचे समन्वयक डॉ. मनोज तलाठी, यंग युनिटीचे अध्यक्ष डॉ. फरीद चिमावकर, सिटीझन फोरमचे अध्यक्ष आप्पा देशमुख, कृषी अधिकारी महादेव करे, रोहा प्रेस क्लबचे अध्यक्ष राजेंद्र जाधव, शेतकरी प्रतिष्ठानचे अध्यक्ष गणेश भगत, कृषी पूरकचे राहुल जोशी, मजूर फेडेरेशनचे चेअरमन हेमंत ठाकूर, दीपक फाऊंडेशनचे अजय आव्हाडे, बळिराजा फाऊंडेशनचे अध्यक्ष विठ्ठल मोरे, कृषी अधिकारी अशोक दांडेकर, गडकिल्ले अभ्यासक सुखद राणे, कळसगिरी प्रकल्पाचे सुरेंद्र निंबाळकर, शेती उद्योजक नितीन पिंपळे, अधिकारी उपस्थित होते.
रोहा तालुका शेतकरी विकास प्रतिष्ठान आयोजित शेतकरी सन्मान, कृषी महोत्सव कार्यक्रमात सेंद्रिय, मत्स्यशेती फार्म पर्यटन, कलिंगड, भाजीपाला, शेळीपालन, प्रक्रिया उद्योग, दुग्ध व्यवसाय, नदी पर्यटन विविध कृषी क्षेत्रात कौतुकास्पद कामगिरी केलेल्या चंद्रकला खेरटकर, सुशांत मोरे, ऋषीकेश म्हात्रे, अदिती थिटे, केशव खरीवले, अमित गायकवाड, नितीन पिंपळे, सूरज दहिंबेकर, विजय लोरणकर, किरण महाबळे, रवींद्र राऊत, महादेव सकपाळ, राकेश लोखंडे, राहुल जोशी, भरत पाटील, पांडुरंग भेरे, राजेंद्र जाधव, ज्ञानेश्वर थिटे, रघुनाथ कडू, जितेंद्र जोशी आदी शेतकऱ्यांना शेतकरी सन्मान देऊन गौरविण्यात आले.
कृषी विज्ञान केंद्राचे डॉ. मनोज तलाठी यांनी किल्ला येथील विज्ञान केंद्राला भेट द्या, तंत्रज्ञान पाहा, तंत्रज्ञान वापरणे काळाची गरज आहे. सेंद्रीय शेतीकडे वळा. यापुढे 9 डिसेंबर कृषी चळवळ दिन साजरा करावा असे काम शेतकरी विकास प्रतिष्ठानचे आहे. तुम्ही एक पाऊल पुढे टाका, आम्ही 99 टक्के सहकार्यासाठी तत्पर आहोत, असा विश्वास दिला. स्मार्टचे उपसंचालक यांनीही शेतकऱ्यांना मार्गदर्शन केले. कृषी महोत्सवाला शेतकऱ्यांनी मोठी गर्दी केली. यावेळी कृषी दिनदर्शिका 2024 चे प्रकाशन उपस्थित मान्यवरांच्या हस्ते झाले. कार्यक्रम यशस्वी करण्यासाठी अध्यक्ष गणेश भगत यांच्या मार्गदर्शनाखाली उपाध्यक्ष अनंत मगर, पांडुरंग भेरे, संतोष दिवकर, धनंजय जोशी, खेळू थिटे, सतीश मगर, विनोद पाटील, गोपीनाथ गंभे, दगडू बामुगडे, प्रशांत धामणसे व पदाधिकाऱ्यांनीही विशेष परिश्रम घेतले. सूत्रसंचालन नारायण पानसरे, आभार प्रदर्शन संतोष देवकर यांनी केले.
आमचे कृषी ध्येय मोठे आहे. सबंध तालुक्यात कृषी चळवळ उभी करायची आहे. आज जे काही यश आहे, त्याचे श्रेय शेतकऱ्यांना आहे. रोहा कृषी विभागाला अधिकारी चांगले मिळालेत. प्रत्येक अडचणीत मार्ग दाखवतात. यापुढे आपण सर्व शेतकरी एकत्र काम करू या, चळवळ अधिक भक्कम उभी राहील.
गणेश भगत,
अध्यक्ष, शेतकरी विकास प्रतिष्ठान