गुजरात-दिल्ली कॅपिटल सामन्यावर सट्टा ; 27 लाखांच्या रोकडसह आठ मोबाईल जप्त
पिंपरी-चिंचवडच्या गुंडाविरोधी पथकाची कारवाई
। मुंबई । वृत्तसंस्था ।
पुण्याच्या एमसीए क्रिकेट स्टेडियममध्ये आयपीएलचे क्रिकेट सामने खेळवले जात आहेत. गुजरात टायटन विरुद्ध दिल्ली कॅपिटलचा सामाना शनिवारी खेळवला गेला होता . पिंपरीतील काही जणांनी सामन्यावर सट्टा खेळत असल्याचं पुढे आले असून, त्यांच्याकडून 27 लाखांची रोकड आणि आठ मोबाईल गुंडाविरोधी पथकाने जप्त केले आहेत. ही कारवाई रात्री साडेसात वाजताच्या सुमारास करण्यात आली.
याप्रकरणी तीन जणांना बेड्या ठोकण्यात आल्या आहेत. सनी उर्फ भुपेंद्र चरणसिंग गिल, रिक्की राजेश खेमचंद, सुभाष रामकीसन अगरवाल अशी अटक केलेल्या आरोपींची नाव असून सनी सुखेजा याचा पोलीस शोध घेत आहेत, अशी माहिती गुंडा विरोधी पथकाचे प्रमुख सहाय्यक पोलीस निरीक्षक हरीश माने यांनी दिली आहे. याप्रकरणी पोलीस अधिकारी हजरतअली पठाण यांनी फिर्याद दिली आहे.
