जिल्हास्तरीय कबड्डी स्पर्धेत बिरवाडी हायस्कूल अजिंक्य
| महाड | प्रतिनिधी |
महाराष्ट्र राज्य क्रीडा संचालनालय पुणे, रायगड जिल्हा क्रीडा अधिकारी कार्यालय, अलिबाग तसेच ग.बा. वडेर, व.ग.ओसवाल जुनिअर कॉलेज, पाली यांच्या संयुक्त विद्यमाने रायगड जिल्हास्तरीय कबड्डी स्पर्धा पार पडल्या. या स्पर्धेत को.ए.सो.गं.द. आंबेकर हायस्कूल, बिरवाडी 14 वर्षे वयोगटातील संघाने प्रथम क्रमांक मिळवून विभागीय स्तरावर निवड झाली. सदर स्पर्धेत बिरवाडीच्या संघाने उत्कृष्ट कामगिरी करत यश संपादन केले.
जिल्हा क्रीडा कार्यालयातील क्रीडा अधिकारी संदिप वांजळे, गटशिक्षणाधिकारी साधुराम बांगरे, संजय थळे (पंच) यांनी क्रीडा शिक्षक राजुदास पवार व विद्यार्थ्यांचे उत्कृष्ट खेळ खेळल्याबद्दल विशेष कौतुक केले. नचिकेत कदम या विद्यार्थ्यांचे विशेष कौतुक केले. नचिकेतने बिरवाडी महाड तालुक्याचे नाव रायगड जिल्ह्यामध्ये रोशन केले. 14 वर्षे वयोगट विद्यार्थ्याने प्रथम क्रमांक मिळवून विभागस्तरीय स्पर्धेसाठी निवड झाल्याचा बहुमान को.ए.सो.गं.द. आंबेकर हायस्कूल, बिरवाडीला मिळाला आहे. विभागस्तरीय सामन्यासाठी कोकण एज्युकेशन सोसायटीचे सन्माननीय अध्यक्ष, उपाध्यक्ष, कार्यवाह व संचालक मंडळ यांनी खेळाडूंचे कौतुक करून विभागस्तरीय स्पर्धेसाठी शुभेच्छा दिल्या.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.