रोड सेफ्टी व्हेईकलची नजर
। सायली पाटील । अलिबाग ।
मुंबई -गोवा महामार्गावरील पनवेलनजीक असलेल्या कर्नाळा अभयारण्यातून आपल्या वाहनातून प्रवास करणार असाल तर सावधानता बाळगा,कारण तुमच्या वाहनांना नियंत्रित ठेवण्यासाठी आरटीओची नजर तुमच्यावर असणार आहे.वार्याच्या वेगाने धावणार्या वाहनांवर आता रोड सेफ्टी व्हेईकलच्या माध्यमातून नजर ठेवली जाणार आहे.यासाठी आरटीओने विशेष उपाययोजना सुरु केलेली आहे.
मुंबई -गोवा महामार्गाचे चौपदरीकरण झाल्याने कर्नाळा परिसराचे रुपचं पालटलंय.कर्नाळा हे पक्षी अभयारण्य म्हणून ओळखले जाते.दररोज या परिसरात रायगड,ठाणे,मुंबई,पुण्यासह राज्याच्या कानाकोपर्यातून हजारो पर्यटक येत असतात.एक दिवसाची पिकनीक पॉईंट म्हणूनही कर्नाळाकडे पाहिले जाते.सध्या महामार्ग झाल्याने या मार्गावरुन प्रवास करताना वाहन चालक सुसाट धावत असतता.अनेकदा या सुसाट वेगाने अपघात घडून निष्पाप जीवही गेलेले आहे.शिवाय या परिसरातील पशु,पक्षी,विशेष करुन विविध प्रकारची माकडे,वानरे या सुसाट वेगाला बळी पडलेली आहेत.यामुळेच आरटीओने आता या महामार्गावरील सुसाट वाहनांना आवर घालण्यासाठी पाऊले उचलली आहेत.यासाठी परिवहन विभागाने आरटीओसाठीरोड सेफ्टी व्हेईकल उपलब्ध करुन दिलेली आहे.या वाहनांच्या माध्यमातून सुसाट धावणार्या वाहनांवर नियंत्रण ठेवले जाणार आहे.त्यांच्यावर दंडात्मक कारवाईही केली जाणार आहे.तेव्हा सावध राहून आपली वाहने चालवा.अन्यथा रोड सेफ्टी व्हेईकल तुमची शिकार केल्याशिवाय राहणार नाही.
अधिसुचना जारी
वाहनांना वेगमर्यादा घालून देणारी अधिसूचना वाहतूक पोलिस विभागाने जारी केली आहे. रस्त्यांवरील अपघात रोखण्यासाठी विविध रस्त्यांची भौगोलिक परिस्थिती, भूप्रदेश, घाट रस्ते, वळण रस्ते, समतल रस्ते, चढउतार आदी बाबींचा विचार करून महत्तम वेग मर्यादा निश्चित करणे आवश्यक होते. त्यानुसार हा निर्णय घेण्यात आला आहे. वेगमर्यादा न पाळणार्या वाहनांवर कारवाई होत आहे. महामार्गावरून ये-जा करणार्या वाहनांना ठरवून दिलेल्या नियंत्रित वेगमर्यादा वाहनांनी ओलांडल्या तर तपासासाठी फिरत असलेल्या रोड सेफ्टी व्हेहिकल (रस्ता सुरक्षा वाहन) मधील अधिकारी त्या त्या वाहनांचे फोटो काढून वाहनाच्या नोंदणी क्रमांकावर चलान पाठवून देतात. नियंत्रित वेगमर्यादा ओलांडणार्या वाहनांना दोन हजार रूपयांचे चलान आकारले जाते.