महाड येथे लाखांची घरफोडी

| महाड | वार्ताहार |

प्रभात कॉलनी महाड येथे शुक्रवारी (दि.23) रात्रीच्या सुमारास अज्ञात चोराने करून 5 लाख रुपयांची चोरी केली. घरात कोणी नसल्याचा फायदा घेत अज्ञात चोराने दरवाजाचे कुलुप तोडुन घरात प्रवेश केला. घरातील लोखंडी कपाटातील लॉकर तोडुन सोन्याचे दागिन व रोख रक्कम असे एकूण 5 लाख 42 हजार 500 रुपयांचा ऐवज चोरी केला. याबाबत महाड शहर पोलीस ठाण्यात गुन्हा दाखल करण्यात आला असून अधिक तपास पोसई विशाल पवार हे करीत आहेत.