प्रतिबंधित अन्नपदार्थ विक्रीप्रकरणी गुन्हा दाखल

पनवेल एसटी आगारात मोठी कारवाई

| पनवेल | प्रतिनिधी |

पनवेल बस स्थानक परिसरात रात्रीच्या वेळी नियमांचे उल्लंघन करून बेकायदेशीर चहाच्या टपऱ्या आणि दुकाने रात्रभर सुरू राहत असल्याचा धक्कादायक प्रकार समोर आला आहे. या टपऱ्यांवर प्रतिबंधित अन्नपदार्थांची राजरोसपणे मोठ्या प्रमाणावर विक्री केली जात असल्याची माहिती माध्यमांमधून जाहीर झाल्यानंतर, अन्न व औषध प्रशासन विभागाने बुधवारी (दि.10) मध्यरात्रीच्या सुमारास एक मोठी गुप्त कारवाई केली आहे. या कारवाईत हजारो रुपयांचा माल जप्त करण्यात आला असून, वाहतुकीसाठी वापरले जाणारे वाहनही पोलिसांनी ताब्यात घेतले आहे.

मिळालेल्या माहितीनुसार, पनवेल बस स्थानक परिसरातील महाराजा स्वीटस कॉर्नरसमोर उड्डाणपूलाखाली रात्रीच्या वेळी नियमांचे उल्लंघन करून बेकायदेशीर चहाच्या टपऱ्या आणि दुकाने रात्रभर सुरू राहत असल्याचा धक्कादायक प्रकार समोर आला. या टपऱ्यांवर प्रतिबंधित गुटखा, सुगंधित तंबाखू आणि सिगारेटची राजरोसपणे मोठ्या प्रमाणावर विक्री केली जात असल्याची माहिती माध्यमांमधून जाहीर झाल्यानंतर, रायगड झोन 1 मध्ये अन्न व औषध प्रशासन विभागाने बुधवारी मध्यरात्री पनवेल एसटी डेपो परिसरातील वेगवेगळ्या ठिकाणी छापे टाकण्यात आले. या छाप्यात प्रतिबंधित अन्नपदार्थांची बेकायदेशीर साठवणूक आणि विक्री करणाऱ्या रॅकेटचा पर्दाफाश करण्यात आला आहे. त्यामध्ये चार जणांवर कारवाई करत फुटपाथवर तात्पुरते टेबल लावून व्यवसाय करणे, गाडीद्वारे विक्री करणे अशांवर देखील कारवाई करून त्यांच्याविरोधात कारवाई करण्यात आली आहे. तसेच, करून त्यांच्याकडून 4 हजार 257 किंमतीचा साठा जप्त करण्यात आला आहे. त्यामध्ये गाडी सुद्धा जप्त करण्यात आली आहे. याबाबत त्यांच्या विरोधात पनवेल शहर पोलीस ठाण्यात गुन्हा नोंदवण्यात आला आहे. या कारवाईमुळे पनवेलमधील बेकायदेशीर खाद्यपदार्थ विक्रेत्यांचे धाबे दणाणले असून, नागरिकांच्या आरोग्याशी खेळणाऱ्यांवर यापुढेही अशीच कठोर कारवाई केली जाईल, असा इशारा अन्न व औषध प्रशासनाने दिला आहे.