| नवी दिल्ली | वृत्तसंस्था |
धनुष्यबाणाच्या हक्कासाठी भांडणार्या शिवसेनेच्या ठाकरे आणि शिंदे गटाला निवडणूक आयोगाने निर्वाणीचा इशारा देत शुक्रवारी 7 ऑक्टोबरपर्यंत आवश्यक ती कागदपत्रे सादर करण्याचे निर्देश दिलेले आहेत.
यापूर्वी 23 सप्टेंबरला ठाकरे गटाने आपलं म्हणणं मांडण्यासाठी निवडणूक आयोगाकडे वेळ वाढवून मागितली होती. त्यानुसार आता निवडणूक आयोगाने ठाकरे गटाला वेळ वाढवून दिली आहे. 27 सप्टेंबरला सर्वोच्च न्यायालयाने निवडणूक आयोगाला शिवसेनेचं निवडणूक चिन्ह कोणाला द्यायचं यावर सुनावणी घेण्याची परवानगी दिली होती.
त्यानंतर शिवसेनेकडून आपलं म्हणणं मांडण्यासाठी वेळ वाढवून मागण्यात आली होती. दरम्यान, निवडणूक आयोगाने शिवसेनेची ही मागणी मान्य करत 7 ऑक्टोबरपर्यंत वेळ वाढवून दिली आहे. त्यामुळे शिवसेनेला आपलं म्हणणं शुक्रवारपर्यंत मांडावं लागणार आहे.
ठाकरे गट आणि शिंदे गटातील संघर्षामुळे उद्धव ठाकरे किंवा एकनाथ शिंदे यापैकी कोणा एकाला शिवसेनेचे धनुष्यबाण हे चिन्ह गमवावे लागण्याची शक्यता आहे. तसेच खरी शिवसेना कोणाची, याबाबत न्यायालय आणि निवडणूक आयोगाच्या निर्णयावर ठरणार आहे. त्यामुळे काय निर्णय लागतो, याकडे सर्वांचे लक्ष लागून राहिलं आहे.
धनुष्यबाणासाठी आयोगाचे अल्टिमेटम; शुक्रवारपर्यंत कागदपत्रे सादर करा
![](https://krushival.in/grygrars/2022/09/423870-eknath-shinde-and-shiv-sena-symbol-and-uddhav-thackarey-1-e1664265862457-1024x633.jpg)