बिबट्याच्या हल्ल्यात गायीचा मृत्यू

| लांजा | वृत्तसंस्था |

लांजा तालुक्यातील तळवडे येथे माळराणावर चारण्यासाठी गेलेल्या गुरांच्या कळपावर बिबट्याने हल्ल्या केला या हल्ल्यात एक गाय ठार झाल्याची ही घटना बुधवारी (दि.7) सकाळी 8 वाजण्याच्या सुमारास घडली आहे. दिवसाढवळ्या बिबट्याच्या दहशतीमुळे तळवडे परिसरात भीतीचे वातावरण पसरले आहे.

शेतकर्‍यांनी दिलेल्या माहितीनुसार शेतकरी रुपेश पाटोळे यांनी नेहमीप्रमाणे सकाळी 7.30 च्या सुमारास तळवडे मळाबांध येथील माळराणावर गुरे चरण्यासाठी सोडली होती. गुरे चरत असताना बुधवारी सकाळी 9च्या सुमारास बाजूच्या झुडपांमध्ये दबा धरुन बसलेल्या बिबट्याने गुरांवर हल्ला केला. बिबट्याच्या या हल्ल्यामध्ये रुपेश पाटोळे यांची गाय ठार झाली तर सुशांत पाटोळे या शेतकर्‍याची एक गाय गंभीर जखमी आहे. हल्ल्यानंतर गुरांच्या ओरडण्याचा आवाज आल्याने शेतकर्‍यांनी घटनास्थळी धाव घेतली असता त्यांना कळपातील गुरे सैरावैरा पळताना दिसली. यावेळी हल्लेखोर बिबट्या बाजूच्या जंगलात पळून जाताना ग्रामस्थांनी पाहिले.