ट्रक चालकाचा मृत्यू

| पनवेल | वार्ताहर |

ट्रक चालक शहादेव किसन आंधळे (39) याने त्यांच्या ताब्यातील ट्रक घेऊन जेएनपीटी ते पळस्पे मार्गावरुन पनवेलच्या दिशेने जात असताना त्यावेळी असलेल्या अंधारामुळे पुष्पकनगरजवळ रस्त्यालगत उभा ट्रेलर त्यांच्या लक्षात न आल्याने त्यांचा ट्रक ट्रेलरवर जाऊन धडकला. या अपघातात शहादेव आंधळे हे गंभीररित्या जखमी होऊन त्यांचा जागीच मृत्यू झाला आहे. या अपघाताची नोंद पनवेल शहर पोलीस ठाण्यात करण्यात आली आहे.