। अलिबाग । प्रतिनिधी ।
ऑक्टोबर सेवा सप्ताहनिमित्त लायन्स क्लब मांडवाच्यावतीने अध्यक्ष जितेंद्र ठाकूर यांच्या नेतृत्वाखाली मंगळवारी (दि.1) रायगड जिल्हा परिषद प्राथमिक शाळा, सारळ, धोकवडे, सोगाव येथील 260 विद्यार्थ्यांना डेस्किट स्कूल बॅगचे वाटप करण्यात आले.
लायन्स क्लब मांडवाच्यावतीने ऑक्टोबर सेवा सप्ताहाचे विविध उपक्रम सुरु झाले आहेत. त्याचा एक भाग म्हणून शालेय विद्यार्थ्यांना डेस्किट स्कूल बॅगचे वाटप करण्यात आले. या डेस्किटचे प्रायोजक अमित नाईक, विद्या अधिकारी, सुधीर पुरो, अमरेश शिरगावकर, हर्षद पाटील, उज्ज्वला पाटील, डॉ. शुभदा कुडतलकर, धवल राऊत हे होते. या उपक्रमासाठी लायन्स हेल्थ फाऊंडेशनचे उपाध्यक्ष नितीन अधिकारी, लायन्स क्लब मांडवाचे अध्यक्ष जितेंद्र ठाकूर, प्रदीप पाटील, अमिश शिरगावकर, अभिजित गुरव, चंद्रकांत मल्हार, हर्षद पाटील, मोहन पाटील, अजय आंगणे, आमरेश शिरगावकर, विद्या अधिकारी, जितेश्री ठाकूर, सारिका पाटील, स्मितल शिरगावकर, सुमित पाटील आदी लायन्स सदस्य, पदाधिकारी उपस्थित होते.