आठ वर्षांच्या मुलीला ट्रेलर चालकाने चिरडले

| उरण | वार्ताहर |

उरण तालुक्यातील न्हावा -शेवा  पोलीस ठाणे हद्दीतील  जेएनपीए पोर्ट ते  पनवेल मार्गावरील फ्री गेट सिंगल जवळ रस्ता ओलांडताना भरधाव वेगाने येणाऱ्या ट्रेलर चालकाने एका आठ वर्षीय मुलीला चिरडल्याची घटना घडली आहे. ज्योती भागवत शिंदे (8) असे मृत्यूत मुलीचे नाव आहे.

जेएनपीए परिसरात अवजड वाहतुकीच्या ट्रेलर चालकांकडून बेदरकपणे वाहन चालवल्याने कुठे न कुठे अपघात होत आहेत. असाच प्रकारचा अपघात सोमवारी (दि.15) सायंकाळी 6 वाजताच्या सुमारास झाला आहे. भागवत शिंदे कुटुंब आपल्या दिवसभराच्या लेबर कामावरून घरी म्हणजे नवघर येथील झोपडपट्टी मध्ये राहत असलेल्या ठिकाणी जात असताना रस्ता ओलांडताना वेगाने आलेल्या ट्रेलरची धडक त्याच्या सोबत असणाऱ्या ज्योती शिंदे या आठ वर्षीय मुलीला बसली तिच्या डोक्याला मोठी दुखापत झाल्याने तिचा जागीच मृत्यू झाला आहे. तिचा मृतदेह शवविच्छेदनासाठी इंदिरा गांधी ग्रामीण रुग्णालय येथे पाठविण्यात आला. या अपघात संदर्भात न्हावा पोलीस ठाण्यात ट्रेलर चालक अभयकुमार रामधणी गौतम याच्यावर गुन्हा दखल करण्यात आला आहे. या घटनेचा अधिक तपास पोलीस करीत आहेत.