कारच्या धडकेत वृद्ध जखमी

| पनवेल | वार्ताहर |

भरधाव वेगाने आलेल्या सॅट्रो कारने दुचाकीस धडक दिल्याने झालेल्या अपघातात 62 वर्षीय ज्येष्ठ नागरिक जखमी झाल्याची घटना कळंबोली वसाहत परिसरात घडली आहे.

चंद्रकांत शिंदे हे त्यांच्या अ‍ॅक्टीव्हा स्कुटी गाडीवरुन रात्रीच्या वेळी शिल्पा मेडीकल येथे औषधे आणण्यासाठी चालले असताना सॅट्रो गाडीने त्यांच्या गाडीस धडक दिल्याने झालेल्या अपघातात ते गाडीवरुन खाली पडून ते जखमी झाले आहेत. या अपघाताची नोंद कळंबोली पोलीस ठाण्यात करण्यात आली आहे. या घटनेचा अधिक तपास पोलीस करीत आहेत.