माजी क्रिकेटपटूच्या आईची हत्या

| पुणे | वृत्तसंस्था |

पुण्यातील खळबळजनक घटना समोर आली आहे. पुण्यात भारतीय संघाच्या माजी क्रिकेटपटूच्या आईची हत्या झाली आहे. भारतीय संघाचा माजी क्रिकेटपटूच्या आईची राहत्या घरातच हत्या झाल्याची घटना उघडकीस आली आहे. हत्येच्या घटनेने परिसरात खळबळ उडाली आहे.

मिळालेल्या माहितीनुसार, माजी क्रिकेटपटू सलील अंकोला यांच्या आईची हत्या झाल्याची घटना उघडकीस आली आहे. पुण्यातील राहत्या घरी सलील यांच्या आईची हत्या झाल्याच्या घटनेने खळबळ उडाली आहे. पुण्यातील प्रभात रोडवर असलेल्या राहत्या घरात त्यांची हत्या झाली आहे. माला अशोक अंकोला असे माजी क्रिकेटपटूच्या आईचे नाव आहे. माला अंकोला या माजी क्रिकेटपटू सलील अंकोला याच्या आई असून त्यांचे वय 77 होते. माला यांच्यावर हल्ला केल्यानंतर त्यांना पूना रुग्णालायात दाखल करण्यात आले होते. रुग्णालयात दाखल केल्यानंतर त्यांचा उपचारापूर्वी मृत्यू झाला आहे. बाहेरून आलेल्या अज्ञात लोकांनी त्यांची हत्या केल्याची माहिती मिळत आहे. माला अंकोला याची हत्या का आणि कोणी केली, याची माहिती अद्याप हाती आलेली नाही. या प्रकरणाचा तपास पोलिसांनी सुरु केला आहे.