चालकासह दहा जण जखमी
। अलिबाग । प्रतिनिधी ।
अलिबाग वरून पनवेलकडे जाणारी एसटी बस कलंडली. या अपघातात चालकासह सुमारे दहा प्रवासी जखमी झाल्याचा प्राथमिक अंदाज व्यक्त केला जात आहे. ही घटना सोमवारी सकाळी सुमारे साडेसात वाजण्याच्या दरम्यान कार्लेखिंड येथे घडली असून बसमधील प्रवाशांना सुरक्षित काढण्याचे काम केले जात आहे.
अलिबाग एसटी बस आगारातून सकाळी सात वाचण्याच्या सुमारास प्रवासी घेऊन एसटी बस मुंबईकडे रवाना झाली.कार्लेखिंड येथे आल्यावर चालकाचा गाडीवरील ताबा सुटला. त्यामुळे एसटी रस्त्याच्या बाजूला कलंडली. सुदैवाने मोठी हानी टाळली . या घटनेची माहिती वाऱ्यासारखी पसरताच स्थानिकांनीनेदेखील धाव घेऊन प्रवाशांना बसमधून सुरक्षित काढण्याचा प्रयत्न केला.या घटनेची माहिती अलिबाग पोलिसांना मिळताच बीट मार्शल पथकाने घटनास्थळी धाव घेतली.