मुंबई-गोवा मार्गावर ट्रकचा भीषण अपघात; दोघांचा मृत्यू
| रत्नागिरी | प्रतिनिधी |
मुंबई-गोवा महामार्गावर बावनदी येथे आज शुक्रवार (दि.21) रोजी सकाळी साडेआठ वाजण्याच्या सुमारास ट्रकचा भीषण अपघात झाला. यामध्ये दोन जण जागीच ठार झाले.
मिळालेल्या माहितीनुसार, बावनदी स्टॉप नजिक आज सकाळी साडेआठ वाजण्याच्या सुमारास मुंबईच्या दिशेने जाणाऱ्या ट्रकचा अपघात झाला. ट्रक उतारावर होता. दरम्यान चालकाचा गाडीवरील नियंत्रण सुटल्याने हा अपघात झाला. हा ट्रक लोखंडी सळ्यांनी पूर्णपणे भरलेला होता. हा अपघात एवढा भीषण होता की, ट्रकच्या केबिनचा चक्काचूर झाला व सर्व सामान या केबिनवर पडले होते. केबिनमध्ये असलेल्या चालकासह त्याचा सहकारी महंमद रजब अली (21) राहणार प्रतापगड याच्या अंगावर पाईप पडल्याने या अपघातात त्या दोघांचाही जागीच मृत्यू झाला. पोलीस व ग्रामस्थांनी हे मृतदेह बाहेर काढले. पोलीस या अपघाताचा तपास करीत आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.