धक्कादायक! मुलाची हत्या करुन वडिलांची आत्महत्या
। जळगाव । प्रतिनिधी ।
जळगाव जिल्ह्यामधील धरणगाव-एरंडोल तालुक्यातील एक धक्कादायक घटना समोर आली आहे. बापाने आत्महत्या केली आणि त्यानंतर सुसाईड नोटमध्ये लिहून ठेवले की त्याने मुलाची हत्या करून त्याचा मृतदेह धरणात पुरला आहे.
प्रसिद्ध रील स्टार विकी उर्फ हितेश विठ्ठल पाटील (वय 22, रा. भोरखेडा) असे हत्या झालेल्या तरुणाचे नाव आहे तर, विठ्ठल सखाराम पाटील असे आत्महत्या केलेल्या वडिलांचे नाव आहे. विठ्ठल पाटील हे माजी सैनिक होते. विकी पाटीलच्या वडिलांनी मंगळवारी गळफास घेऊन आत्महत्या केली. त्यांनी लिहिलेल्या सुसाईड नोटमध्ये “माझ्या मुलाची हत्या केली असून, त्याचा मृतदेह धरणात पुरण्यात आला आहे,” असे लिहिले होते. ही माहिती समोर आल्यानंतर पोलिसांनी तपासाची चक्रे वेगाने फिरवली.
सुसाईड नोटमध्ये दिलेल्या माहितीनुसार पोलिसांनी शोधमोहीम राबवली असता, गुरुवारी दुपारी भोरखेडा गावाजवळील धरण परिसरात विकी पाटीलचा मृतदेह पुरलेल्या अवस्थेत आढळून आला. पोलिसांनी जेसीबीच्या मदतीने कुजलेल्या अवस्थेत मृतदेह बाहेर काढत पंचनामा केला. याप्रकरणी अधिक तापास पोलीस करीत आहेत.
Leave a Reply
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.