स्वारगेट बस स्थानक अत्याचार प्रकरण; आरोपी दत्तात्रय गाडेला अटक

| पुणे | प्रतिनिधी |

पुणे पोलिसांनी स्वारगेट बलात्कार प्रकरणातील आरोपी दत्तात्रय गाडे याला अटक करण्यात आली आहे. अटकेनंतर दत्तात्रय गाडेला पुण्यात आणण्यात आले आहे. दत्तात्रय गाडे याने मंगळवारी (दि.25) पहाटे साडे पाच वाजताच्या सुमारास  26 वर्षीय तरुणीवर बलात्कार केला होता. ही धक्कादायक घटना स्वारगेट बसस्थानकात घडली होती. दत्तात्राय गाडेला शिरुर तालुक्यातील गुनाट गावातून पकडण्यात आले आहे. 

पुणे पोलिसांनी दत्तात्रय गाडेच्या शोधासाठी 100 पोलिसांचा ताफा, डॉग स्कॉड गुनाट गावात दाखल झाले होते. दत्तात्रय गाडेच्या शोधासाठी पोलिसांनी 13 पथकं तयार केली होती. पुणे पोलिसांनी गाडे याला शिरुर तालुक्यातील गुनाट गावातून पकडण्यात आले आहे. शिरूर तालुक्यातील गुणाट या गावांमध्ये रात्री दीडच्या सुमारास पोलिसांकडून सर्च ऑपरेशन सुरु असताना दत्तात्रय गाडे याला अटक करण्यात आली आहे. दत्तात्राय गाडे बाराच्या सुमारास याच गावातील त्याच्या नातेवाईकांच्या घरी तो पाण्याची बाटली मागण्यासाठी गेला होता. पाण्याची बाटली घेतल्यानंतर त्याने जे काही मी केले त्याचा मला पश्चाताप झाला आहे, असे दत्तात्रय गाडे म्हटल्याची माहिती आहे. मला पोलिसांना सरेंडर व्हायचे आहे असा बोलून परत निघून गेला होता. दत्तात्रय गाडे पाणी घेऊन गेल्यानंतर याची माहिती पोलिसांना देण्यात आली. यानंतर दत्तात्रय गाडे याला पोलिसांनी अटक केली. गाडे याला पोलिसांनी स्वारगेट पोलिसांच्या ताब्यात दिले, असून या संदर्भात पुढील तपास पोलीस करीत आहेत.