विद्यार्थ्यांच्या सुरक्षिततेसाठी महिला सुरक्षारक्षक नेमणार
पुणे महापालिकेचा मोठा निर्णय
। पुणे । प्रतिनिधी ।
पुणे महापालिकेच्या शाळांमधील विद्यार्थ्यांची ने-आण करणाऱ्या ‘पीएमपीएमएल’च्या बसमध्ये सुरक्षिततेसाठी महिला सुरक्षारक्षक नेमण्याचा निर्णय महापालिकेने घेतला आहे. तीन दिवसांपूर्वी स्वारगेट एस. टी स्थानकामध्ये तरुणीवर झालेल्या गैरप्रकाराच्या पार्श्वभूमीवर महापालिकेने हा निर्णय घेतला असून याची अंमलबजावणी पुढील काही दिवसांमध्ये केली जाणार आहे.
शालेय विद्यार्थ्यांची ने-आण करणाऱ्या स्कूल बस, तसेच स्कूल व्हॅनमध्ये महिला सहाय्यक असतात. मात्र, महापालिकेच्या शाळांमधील विद्यार्थ्यांची ने-आण करणाऱ्या बसमध्ये महिला सुरक्षारक्षकांचा अभाव आहे. त्यामुळे महापालिकेने विद्यार्थ्यांच्या सुरक्षित वाहतुकीसाठी पीएमपीएमएलच्या बसमध्ये महिला सुरक्षारक्षक नेमण्याच्या निर्णय पुणे महापालिकेने घेतला आहे.
महापालिकेच्या शाळांमधील विद्यार्थ्यांची ने-आण करण्याचे काम पीएमपीएमएलच्या सुमारे 200 ते 300 बसच्या माध्यमातून केले जाते. त्यांच्या सुरक्षिततेसाठी हा निर्णय घेण्यात आला आहे. महिला सुरक्षारक्षकांसाठी महापालिका प्रशासनाकडून शिक्षण विभागाबरोबर चर्चा केल्याचे महापालिकेचे अतिरिक्त आयुक्त पृथ्वीराज बी. पी यांनी सांगितले आहे.
On 7th June 1937, Krushival was started as a weekly magazine and the masses got their platform. In the Raigad district, many new movements were launched to fight against injustice and exploitation upon the underprivileged and the hard-working common people.