धक्कादायक! एकाच घरात चार मृतदेह लटकलेल्या अवस्थेत

। नागपूर । प्रतिनिधी ।

नागपूरमध्ये धक्कादायक घटना घडली आहे. एकाच कुटुंबातील चौघांचे मृतदेह त्यांच्या राहत्या घरात लटकलेल्या अवस्थेत आढळून आले. त्यामध्ये पती, पत्नी आणि दोन मुलांचा समावेश आहे. या घटनेने एकच खळबळ उडाली आहे.

नागपूर जिल्ह्याच्या नरखेड तालुक्यातील मोवाड गावात हा धक्कादायक प्रकार घडला आहे. एकाच कुटुंबातील चौघांचे मृतदेह त्यांच्या राहत्या घरात आढळून आले आहेत. विजय पचोरी (68) असे या प्रकरणातील वडिलांचे नाव आहे. तर पत्नी बालाबाई पचोरी (55), गणेश पचोरी (38), दीपक पचोरी (38) असे इतर मृतकांची नावे आहेत. घटनेची माहिती मिळताच पोलिसांचे पथक घटनास्थळी दाखल झाले आहे. या प्रकरणातील धक्कादायक बाब म्हणजे चार मृतदेहांपैकी तीन मृतदेहाचे हात पाठीमागे बांधून लटकलेल्या अवस्थेत आढळल्याने अनेक तर्क लावले जात असून प्रकरणातील वडिलांनीच तिघांच्या हत्येनंतर स्वत: आत्महत्या केल्याची शक्यता पोलिसांकडून व्यक्त केली जात आहे. मात्र, अद्याप तरी या प्रकरणामागील कारण स्पष्ट झाले नाही. पोलीस या प्रकरणाचा अधिक तपास करत आहेत. मात्र, या घटनेने मोवाड गावात हळहळ व्यक्त केली जात आहे.