विनामूल्य आरोग्य तपासणी शिबिर संपन्न

| पनवेल | वार्ताहर |

भारत राष्ट्र समिती (बीआरएस पार्टी) पनवेलतर्फे भारत राष्ट्र समितीचे राष्ट्रीय अध्यक्ष के. चन्द्रशेखर राव यांच्या आरोग्य सवलतीच्या विचारानूरुप तक्षशीला बुद्धविहार, सुकापुर-पालिदेवद विभागात धम्म चक्र प्रवर्तन दिनाचे औचित्य साधून सर्व नागरिकांसाठी विनामूल्य आरोग्य तपासणी आणि मोफत औषध वाटप शिबिर आयोजित करण्यात आले. या शिबिरामध्ये मोफत रक्तदाब, शुगर, ईसीजी व गरजेनुसार रक्त तपासणी करण्यात आली. जनतेला आरोग्य विषयी मोफत समुपदेशन व औषध वाटप हि करण्यात आले.

या उपक्रमाचे विभागातील नागरिकांनी उत्साहाने स्वागत केले. शेकडो नागरिकांनी शिबिराचा लाभ घेतला. भारत राष्ट्र समिती पार्टीचे पनवेल विधानसभा उप समन्वयक व पनवेल महानगर समन्वयक प्राध्यापक प्रफुल भोसले व ॲडव्होकेट निलम भोसले आपल्या संपुर्ण परिवारा सोबत कार्यक्रमात सहभागी होते. मातोश्री हॉस्पीटल व सीमीरा डायग्नोस्टीक्सचे डॉ. गणेश वाघचौरे आणि त्यांचे सहकारी डॉक्टर आशा यांची संपुर्ण टीम व तक्षशीला बुद्धविहार कमिटी, सुकापुर- पलिदेवद येथील नागरिकांचे प्रा. भोसले यांनी आभार मानले. पनवेल महानगरातील सर्व 20 प्रभागात नागरिकांसाठी विनामूल्य आरोग्य तपासणी आणि मोफत औषध वाटप शिबिर शृंखलांचे आयोजन करणार आहोत, असे सांगितले.