इंस्टाग्रामवरील मैत्री पडली महागात

| नागपूर | वृत्तसंस्था |

इंन्स्टाग्रामवरून मैत्री करीत, 21 वर्षीय तरुणीला नोकरीचे आमिष दाखवित गुंगीचे औषध दाखवून 26 वर्षीय युवकाने अत्याचार केल्याची माहिती समोर आली आहे. पोलिसांनी युवकाविरोधात गुन्हा दाखल केला आहे. मोहिन अशफाक अहमद शेख (रा. लष्करीबाग मशिद, तहसील) असे आरोपीचे नाव आहे. दीड वर्षांपूर्वी दोघांची मैत्री झाली. त्याने तिच्याशी कॉलवर बोलणे करीत, त्याने तिला स्वतःच्या कंपनीत 20 ते 30 हजार रुपयांची नोकरी लावून देण्याचे आमिष दाखविले. त्यासाठी तिला ग्राहकांशी बोलून कुठलीही डील पक्की करावी लागेल असे सांगितले.

सप्टेंबर 2023 मध्ये तो तिच्या घरी व्यवसायाच्या कामाने भेटण्यासाठी जात होता. त्याच्या फोनवरून काम सुरू झाले. त्यानंतर त्याने फोन घेऊन देत, त्याचे पैसे कामातून कट करण्याचे सांगितले. 25 डिसेंबरला त्याने बाहेरून जेवण आणण्याच्या नावाखाली त्यात गुंगीचे औषध टाकून तिच्यावर अत्याचार केला. याची चित्रफित तयार करून त्याने ती व्‍हायरल करण्याची धमकी दिली. कुणालाही न सांगण्यास सांगितले. त्यानंतर तो सातत्याने तिच्यावर अत्याचार करीत होता. स्वतंत्र काम चालू केल्यावर फोन करून व्हिडीओ व्हायरल करण्याची धमकी देत होता. त्याने लग्नाचेही आमिष दाखविले. त्यावेळी त्याने जेवणात गुंगीचे औषध टाकून भावाला बेशुद्ध करीत अत्याचार केला. यावेळी घरातलीस ऐवज लंपास केला. याबाबत मानकापूर पोलिसांना तक्रार केली असता, त्यांनी त्याच्याविरोधात गुन्हा दाखल केला. मोहिन अद्याप फरार असून त्याचा शोध पोलिस घेत आहेत.