| पनवेल | वार्ताहर |
रेझिंग डे सप्ताह अंतर्गत पनवेल तालुका पोलीस ठाण्याचे वरिष्ठ पोलीस निरीक्षक अनिल पाटील यांच्या मार्गदर्शनाखाली शालेय विद्यार्थ्यांना शस्त्र तसेच सायबर सुरक्षा व महिला सुरक्षा बाबत माहिती देण्यात आली. पोलीस दल स्थापना दिनाचे औचित्य साधून रेझिंग डे सप्ताह साजरा करण्यात आला. त्या अनुषंगाने वाजे हायस्कूल येथील सातवी ते दहावीचे विद्यार्थी/ शिक्षकवर्ग यांना पोलीस वर्धापन दिन बाबत, पोलीस स्टेशनची कार्यपद्धती, सायबर सुरक्षा व महिला सुरक्षा, गुड टच बॅड टच व यापासून घ्यावयाची काळजी याबाबत योग्य ते मार्गदर्शन करून मुलांच्या शंकांचे निरसन केले. यावेळी वेळी हायस्कूलचे एकूण 100 ते 125 विद्यार्थी/विद्यार्थिनी व शिक्षकवर्ग उपस्थित होता यावेळी पोलीस निरीक्षक जगदीश शेलकर आणि कर्मचार्यांनी विद्यार्थ्यांना मार्गदर्शन केले.
रेझिंग डे सप्ताह अंतर्गत विद्यार्थ्यांना मार्गदर्शन
![](https://krushival.in/grygrars/2024/01/-%E0%A4%B0%E0%A5%87%E0%A4%9D%E0%A4%BF%E0%A4%82%E0%A4%97-%E0%A4%A1%E0%A5%87-%E0%A4%B8%E0%A4%AA%E0%A5%8D%E0%A4%A4%E0%A4%BE%E0%A4%B9-e1704804786273-1024x436.jpeg)