कुरुळ येथे रंगणार ‘गुरुकुल श्री’

12 मार्च रोजी शरीरसौष्ठव स्पर्धेचे आयोजन
आ. जयंत पाटील यांची प्रमुख उपस्थिती
। अलिबाग । वार्ताहर ।
जिल्हास्तरीय खुली हौशी शरीरसौष्ठव स्पर्धा शनिवार, दि. 12 मार्च रोजी क्षात्रैक्य माळी समाज हॉल, कुरुळ, अलिबाग येथे आयोजित करण्यात आली आहे. या स्पर्धेचे उद्घाटन शेतकरी कामगार पक्षाचे सरचिटणीस आमदार जयंत पाटील यांच्या हस्ते करण्यात येणार आहे.
रायगड जिल्हा हौशी शरीर सौष्ठव संघटनेच्या मान्यतेने गुरुकुल व्यायामशाळा, क्रीडाभुवन, अलिबाग पुरस्कृत ही स्पर्धा चार उंची गटात होणार आहे. प्रत्येक उंची गटात प्रथम पाच क्रमांकांना 4000, 3000, 2000, 1000, 1000 रोख रुपये व ट्रॉफी देऊन गौरविण्यात येणार आहे. या स्पर्धेतील प्रथम क्रमांकास 11000 रोख रक्कम, आकर्षक ट्रॉफी व मानाचा पट्टा तसेच बेस्ट पोझरला 2000 रोख व ट्रॉफी प्रदान करण्यात येणार आहे. स्पर्धकांची उंची संध्याकाळी चार वाजता मापण्यात येणार आहे. अधिक माहितीसाठी संतोष साखरे 9421164084, सुनील राणे 9850086459, विकेंद्र मोकल 9284184552 यांच्याशी संपर्क साधावा, असे आवाहन आयोजकांकडून करण्यात आले आहे. तरी जिल्ह्यातील तमाम शरीरसौष्ठवपटूंना स्पर्धेत सहभागी व्हावे, असे आवाहन रा. जि.हौ.श.सौ. संघटनेचे सचिव संतोष साखरे यांनी केले आहे.