हजारो महिलांची उपस्थिती
। माणगाव । प्रतिनिधी ।
माणगाव नगरपंचायत महिला व बालकल्याण समितीतर्फे हळदीकुंकू समारंभ मोठ्या उत्साहात संपन्न झाला. हजारो महिलांची या समारंभास उपस्थिती होती. आलेल्या सर्व महिलांना नगरपंचायतीतर्फे हळदीकुंकू समारंभाच्या निमित्ताने वाण भेट देण्यात आले.
माणगाव नगरपंचायतीच्या महिला व बालकल्याण समितीतर्फे दरवर्षी नगरपंचायत कार्यालयाच्या प्रांगणात हळदीकुंकू समारंभाचे आयोजन केले जाते. यावर्षीही नगरपंचायतीच्या स्वछता व आरोग्य समिती सभापती शर्मिला सुर्वे व माजी महिला व बालकल्याण समिती सभापती नंदिनी बामगुडे यांच्या मार्गदर्शनाखाली मंगळवारी (दि.6) हळदीकुंकू समारंभाचे करण्यात आले होते. नगरपंचायत हद्दीतील 2750 महिला या समारंभात सहभागी झाल्या होत्या. आलेल्या सर्व महिलांचे यावेळी नगरपंचायतीतर्फे स्वागत करण्यात आले.
या समारंभास शर्मिला सुर्वे, नंदिनी बामगुडे, ज्ञानदेव पवार, राजेश मेहता, संतोष माळी, नीलिमा घोसाळकर, अरुण वाघमारे, रिया उभारे, ममता थोरे, हर्षदा काळे, रश्मी मुंढे, सुविधा खैरे, लक्ष्मी हिलम, अंजली पवार, लीला गायकवाड, स्मिता बोंबले, नीलम भोसले, नंदिनी जाधव, करुणा देसाई, मयुरा तारळेकर, स्वाती जाधव, योगिता शेट, नीलिमा गायकवाड, तसेच महिला कर्मचारी व सफाई कामगार आदी उपस्थित होते.