मुल्यांकन समितीकडून आगाराची पाहाणी

| कोर्लई | प्रतिनिधी |

हिंदू हृदय सम्राट बाळासाहेब ठाकरे स्वच्छ आणि सुंदर बसस्थानक अभियानांतर्गत मुरुड एसटी आगाराला मुल्यांकन समितीकडून भेट देण्यात आली. यावेळी पालघर विभागीय विभाग नियंत्रक कैलास पाटील, विभागीय कर्मचारी वर्ग अधिकारी विजय पवार, प्रवासी मित्र अमर पडवळ व आगार प्रमुख राहुल शिंदे यांच्या समवेत पाहणी करण्यात आली. या मूल्यांकन समितीकडून बस स्थानकाची स्वच्छता, बसस्थानक व्यवस्थापन, स्त्री/पुरुष प्रसाधनगृहाची स्वच्छता, हरित बस स्थानक, बसेसची स्वच्छता, विद्यार्थी पास, बसस्थानक इमारतीची रंगरंगोटी, वाहक व चालक यांच्यासाठी असलेले विश्रांतीगृह, बस स्थानकातील मार्गदर्शक सूचना फलक याची पाहणी केली. त्याचबरोबर बस स्थानकातील उपलब्ध सोयीसुविधा तसेच स्थानकात करायच्या असलेल्या सुधारणा यासंदर्भात मुरुड आगार प्रमुख राहुल शिंदे यांच्याकडून माहिती घेतली. यावेळी आवश्यक त्या योग्य सूचनाही यावेळी समितीकडून आगार व्यवस्थापक, बस स्थानक वाहतूक नियंत्रक नेस्टर वेगस तसेच उपस्थित कर्मचाऱ्यांना करण्यात आल्या. यावेळी सहाय्यक वाहतूक निरीक्षक चंद्रकांत कारभारी, लेखाकार अक्षय भोईर, वरिष्ठ लिपिक साईश कारभारी,ॲलोकेशन अण्णा शिंदे यांच्यासह कर्मचारी वृंद उपस्थित होते.